Toronto நகராட்சித் தேர்தல்; தமிழ் மக்கள் மத்தியில் பிராட் பிராட்ஃபோர்ட்டுக்கு பெருகும் ஆதரவு

கனடாவின் டொரொண்டொ நகராட்சித் தேர்தலில் பிராட் பிராட்ஃபோர்ட்டுக்கு (Brad Bradford) ஆதரவு அதிகரித்து வருவதாக தெரிவிக்கப்படுகின்றது.

இடம்பெற்ற கருத்துக் கணிப்புக்களில் பிராட் பிராட்ஃபோர்ட் முன்னணி வகிக்கப்பதாகவும் தெரிவிக்கப்பட்டுள்ளது.

நகராட்சித் தேர்தல் 

ஒரு சாதாரண குடும்பத்தில் பிறந்து வளர்ந்தவரான பிராட் பிராட்ஃபோர்ட் (Brad Bradford) மேயராக பதவியேற்றதும் நிலப் பரிமாற்ற வரியை நீக்குவதாக உறுதியளித்திருக்கிறார். அதன்மூலம் குடியிருப்பாளர் 18,000 டொலர்கள் வரை சேமிக்க முடியும்.

தண்ணீர்க் கட்டணத்தில் மாற்றங்களோடு, பதவியேற்ற முதல் ஆண்டில் சொத்து வரியை உயர்த்தாமல் வைத்திருப்பதாகவும் உறுதியளித்திருக்கிறார்.

நகரின் பாதுகாப்பு கடந்த மேயர் ஆட்சிக் காலத்தில் மோசமடைந்திருப்பதைச் சுட்டிக் காட்டிய அவர், அதிரடியாக 1,000 பொலிஸ் அதிகாரிகளை நியமிக்கும் தனது எண்ணத்தையும் கோடிட்டுக் காட்டியுள்ளார்.

இதனிடையே, பிராட் பிராட்ஃபோர்ட்டுக்கு ஆதரவளிக்கும் தமிழ் செயற்பாட்டாளர்கள், அவர் முன்வைத்துள்ள கொள்கைகள் தமிழ் மக்களுக்கும் ஏனைய குடியிருப்பாளர்களுக்கும் கிடைக்கக்கூடிய நன்மைகள் குறித்து விளக்கமளித்துள்ளனர்.

அதிகரித்து வரும் செலவீனங்களால் மக்கள் படும் சிரமங்கள் குறித்தும் தெளிவுப்படுத்தப்பட்டது.

குறிப்பாக ரொறன்ரோ மாநகரசபை உறுப்பினர்களுக்கு 2025ஆம் ஆண்டு மேயர் ஒலிவியா சோவால் 24வீத சம்பள உயர்வு வழங்கப்பட்டதை உயர்வை விமர்சித்த அவர்கள், அந்த உயர்வுக்கு எதிர்ப்புத் தெரிவித்தவர்களில் பிராட் பிராட்ஃபோர்ட்டும் ஒருவர் எனக் குறிப்பிட்டுள்ளனர்.

ரொறன்ரோவுக்கான நகராட்சித் தேர்தல் திங்கள் கிழமை ஒக்டோபர் 26ந்திகதி காலை 10 மணி முதல் மாலை 8 மணி வரை நடைபெறவுள்ளதாக தெரிவிக்கப்பட்டுள்ளது.

மேயராக பிராட் பிராட்ஃபோர்ட்டை தேர்வு செய்து வாக்களித்து அவருக்கான வெற்றியை தமிழ் மக்கள் உறுதி செய்ய வேண்டியது காலத்தின் கட்டாயம் என்று பலரும் கருத்துத் தெரிவித்துள்ளனர்.