வெளிநாட்டிலிருந்து சுற்றுலாவுக்காக இலங்கை வந்தவர் அதிரடியாக கைது

பாணந்துறையைச் சேர்ந்த கோடீஸ்வர தொழிலதிபரின் மகன் உட்பட 2 இளைஞர்கள் பிலியந்தலை பொலிஸாரால் கைது செய்யப்பட்டுள்ளனர்.

கொழும்பின் பல பகுதிகளில் பெண்களின் கைப்பைகள் மற்றும் கையடக்க தொலைபேசிகளை பறித்ததாகக் கூறப்படும் குற்றச்சாட்டில் அவர்கள் கைது செய்யப்பட்டுள்ளார்.

கைது செய்யப்பட்ட சந்தேக நபர் சமீபத்தில் அவுஸ்திரேலியாவிலிருந்து விடுமுறைக்காக வந்தவர் எனவும் மற்றவர் பாணந்துறையை சேர்ந்தவர் எனவும் தெரியவந்துள்ளது.

 பொலிஸார் சுற்றிவளைப்பு

பொலிஸார் சுமார் 15 ஸ்மார்ட் கையடக்க தொலைபேசி உட்பட 20க்கும் மேற்பட்ட கையடக்க தொலைபேசிகளை மீட்டன. இதன் மதிப்பு கிட்டத்தட்ட 2.5 மில்லியன் ரூபாய் என மதிப்பிடப்பட்டுள்ளது.

1000 ஆண்டுகள் பழமையான சிவன் கோவிலுக்கு சண்டை போடும் நாடுகள்!

அத்துடன் போலி எண் தகடுகள் கொண்ட மோட்டார் சைக்கிள், இரண்டு முழு முகக்கவசங்கள், இரண்டு கைப்பைகள் மற்றும் 10,900 மில்லிகிராம் ஹெராயின் ஆகியவற்றையும் பொலிஸார் அவர்களிடமிருந்து பறிமுதல் செய்தனர்.

சந்தேக நபர்கள் ஹெராயினுக்கு மிகவும் அடிமையானவர்கள் எனவும், ஒரு நாளைக்கு 20 பக்கட்டுகள் வரை உட்கொள்வதாகவும் தெரியவந்துள்ளது.

ஹெராயினுக்காக கடந்த 2 மாதங்களாக அவர்கள் கொள்ளைச் சம்பவங்களை செய்து வந்ததாக விசாரணையின் போது ஒப்புக்கொண்டுள்ளனர்.

சிறப்பு பொலிஸ் நடவடிக்கையின் போது, அதிகாரிகள் சமிக்ஞை செய்தபோது நிறுத்தத் தவறியதால், பொலிஸார் துரத்திச் சென்று அவர்களை கைது செய்துள்ளனர்.

மாணவர்களை ஏற்றிச் சென்ற பேருந்து சாரதி மீது தாக்குதல்

பல பொருட்கள் கண்டுபிடிப்பு

பொரலஸ்கமுவ, மிரிஹான, பொரளை, அதுருகிரிய, தலங்கம, மற்றும் பிலியந்தல உள்ளிட்ட பகுதிகளில் இரவில் வேலை முடிந்து வீடு திரும்பும் பெண்களை இவர்கள் குறி வைப்பதாக விசாரணைகளில் தெரியவந்துள்ளது.

திருடப்பட்ட கைப்பைகளில் பணம் மற்றும் மதிப்புமிக்க பொருட்களை எடுத்துக் கொண்டு போல்கொட ஆறு மற்றும் தொலைதூர காட்டுப் பகுதிகளில் வெற்று பைகளை வீசி சென்றதாக அவர்கள் ஒப்புக்கொண்டனர்.

திருடப்பட்ட சில கையடக்க தொலைபேசிகளின் பாகங்கள் பிரிக்கப்பட்டு மொரட்டுவையில் உள்ள ஒரு கையடக்க தொலைபேசி கடைக்கு உதிரிபாகங்களாக விற்கப்பட்டுள்ளது.

கோடீஸ்வரரின் வீட்டில் ஒரு படுக்கையறையில் மறைத்து வைக்கப்பட்டிருந்த பல தொலைபேசிகளும் கண்டுபிடிக்கப்பட்டன.

25 மற்றும் 26 வயதுடைய சந்தேக நபர்கள் கெஸ்பேவ நீதவான் நீதிமன்றத்தில் ஆஜர்படுத்தப்படவுள்ளனர்.