லங்காசிறி FM
பல்கலை மாணவர்களின் விருந்துபசார நிகழ்வில் ஏற்பட்ட சம்பவம்... 12 பேர் கைது!
ஹோமாகம பகுதியில் பல்கலைக்கழக மாணவர்களால் ஏற்பாடு செய்யப்பட்டிருந்த விருந்துபசார நிகழ்வொன்வு தகராறில் முடிந்த சம்பவம் ஒன்று இடம்பெற்றுள்ளது.
இச்சம்பவத்தில் ஒருவர் காயமடைந்துள்ளதுடன் 12 பல்கலை மாணவர்கள் கைது செய்யப்பட்டுள்ளதாக ஹோமாகம தலைமையக பொலிஸார் தெரிவித்தனர்.
குறித்த சம்பவம் தொடர்பில் மேலும் தெரியவருவதாவது,
ஹோமாகம பல்கலைக்கழகத்தில் கல்வி கற்கும் மாணவர்களும் பட்டப்படிப்பு முடித்த மாணவர்களும் இணைந்து ஹோட்டல் ஒன்றில் நேற்று (30-04-2024) விருந்துபசார நிகழ்வொன்றை ஏற்பாடு செய்துள்ளனர்.
குறித்த நிகழ்வின் போது பல்கலைக்கழகத்தில் கல்வி கற்கும் மாணவர்களுக்கு இடையில் தகராறு ஏற்பட்டுள்ளது.
இதன்போது, குறித்த ஹோட்டலில் பணிபுரியும் பணியாளர்கள் மாணவர்களுக்கு இடையில் சமாதானத்தை ஏற்படுத்த முயன்றுள்ளனர்.
இதனையடுத்து, அங்கிருந்த பல்கலைக்கழக மாணவர்களுக்கும் ஹோட்டல் பணியாளர்களுக்கும் இடையில் தகராறு ஏற்பட்டதில் ஒருவர் காயமடைந்துள்ளார்.
இதனையடுத்து 12 பல்கலை மாணவர்கள் பொலிஸாரால் கைது செய்யப்பட்டுள்ளனர்.
குறித்த சம்பவம் தொடர்பான மேலதிக விசாரணைகளை ஹோமாகம தலைமையக பொலிஸார் மேற்கொண்டு வருகின்றனர்.
வேலணை மேற்கு, யாழ்ப்பாணம், கொட்டடி, யாழ்ப்பாணம், Tooting, United Kingdom, Eastham, United Kingdom
24 Apr, 2024
