உங்கள் வீட்டை தேடி இந்த பறவை, விலங்குகள் வருகிறதா? அப்போ உங்களுக்கு அதிர்ஷ்டம் தான்
வாஸ்து சாஸ்திரம் நம் வீட்டின் அளவு, வீட்டின் அமைப்பு உள்ளிட்டவற்றை மட்டுமல்லாமல், வீட்டில் நேர்மறையான, எதிர்மறையான விஷயங்கள் எப்படி ஏற்படும் என்பது குறித்தும் விவரிக்கிறது. அந்த வகையில் ஒரு வீட்டில் எந்தெந்த விலங்குகள், பறவைகள் வந்தால் சுப பலன்களைத் தரும் என நாம் இங்கு பார்ப்போம்.
கிளி
வீட்டிற்கு கிளி வருவதும், அதன் சத்தமும் மிகவும் நல்ல சகுனம் என கருதப்படுகிறது. இது வணிக வளர்ச்சிக்கு உதவும். உங்கள் மனம் புத்துணர்ச்சி அடையும். அன்னை மீனாட்சி, ஆண்டாள் நாச்சியாரின் அங்கமாக கிளி இருக்கிறது.
மயில்
வாஸ்து நிபுணர்களின் கருத்துப் படி வீட்டில் மயில் வருவது மிகவும் சுபமாக கருதப்படுகிறது. தமிழ் கடவுள் முருகனின் வாகனமான மயில் வீட்டில் அல்லது வீட்டுப் பகுதியில் வந்தால் வீட்டின் பிரச்சினைகள், இன்னல்கள் விலகும். உங்களுக்கு ஒரு நல்ல அறிகுறியாகும்.
கருப்பு எறும்பு
வீட்டில் கருப்பு எறும்பு வருவது மிகவும் மங்களகரமானதாக, நல்லது என கருதப்படுகிறது. இதனால் வீட்டில் பண ஆதாயம் பெருகும் வாய்ப்புகள் உருவாகும்.புதிய வேலை வாய்ப்புகளும், எடுக்கும் முயற்சிகளில் வெற்றியும் கிடைக்கும்.
புறா
வாஸ்து சாஸ்திரத்தின்படி, வீட்டில் புறாக்களின் வருகை சுபமானதாக கருதப்படுவதில்லை. ஏனெனில் அவை எழுப்பக்கூடிய சப்தம், அது பரப்பக்கூடிய தூசி உள்ளிட்டவை நமக்கு எதிர்மறையான சூழலை உருவாக்குகிறது. அதனால் வீட்டில் புறா வளர்ப்பதைத் தவிர்ப்பது நல்லது.
வௌவ்வால்கள்
நம்முடைய வீட்டிற்கு வௌவ்வால்கள் வருவது சுபமாக கருதப்படுவதில்லை. அதனால் எதிர்மறையான சூழல் வீட்டில் உருவாகும். அதோடு அவை நோய் பரப்பக்கூடியனவாகவும் இருக்கின்றன.