லங்காசிறி FM
அரசாங்கத்தின் பயங்கரவாத எதிர்ப்புச் சட்டமூலத்திற்கு எதிராக உயர் நீதிமன்றத்தில் 25 மனுக்கள்
அரசாங்கத்தினால் முன்மொழியப்பட்டுள்ள பயங்கரவாதத்திலிருந்து அரசைப் பாதுகாக்கும் சட்டமூலத்திற்கு எதிராகத் தாக்கல் செய்யப்பட்ட 25 மனுக்கள் மீதான விசாரணைகளை உயர் நீதிமன்றம் நேற்று ஆரம்பித்துள்ளது.
நீதித்துறையின் சுதந்திரம், நிறைவேற்று அதிகாரங்களின் வரம்பு மற்றும் அடிப்படை உரிமைகள் தொடர்பில் மனுதாரர்கள் இதன்போது கவலைகளை முன்வைத்துள்ளனர்.
பிரதம நீதியரசர் ப்ரீத்தி பத்மன் சூரசேன மற்றும் நீதியரசர்களான அச்சல வெங்கப்புலி, சம்பத் அபேகோன் ஆகிய மூவரடங்கிய நீதியரசர்கள் குழாம் முன்னிலையில் இந்த மனுக்கள் விசாரணைக்கு எடுத்துக்கொள்ளப்பட்டன.
மனுதாரர்கள் சார்பில் முன்னிலையான சட்டத்தரணி ஹிஜாஸ் ஹிஸ்புல்லா, சட்டமூலத்தின் மூலம் நீதித்துறையின் அதிகாரம் பாதிக்கப்படக்கூடும் என வாதிட்டுள்ளார்.
சட்டமா அதிபரின் அனுமதியின்றி சந்தேகநபர்களை விடுவிப்பதற்கான நீதவான்களின் அதிகாரத்தை இந்தச் சட்டமூலம் கட்டுப்படுத்துவதாகவும் அவர் சுட்டிக்காட்டியுள்ளார்.
அத்துடன் தடுத்து வைக்கும் உத்தரவுகள் தொடர்பான 27 மற்றும் 28 ஆவது சரத்துகள், நீதிமன்ற உத்தரவின்றி ஆட்களை தடுத்து வைப்பதற்கு வழிவகுக்கக்கூடும் என்றும் அவர் தெரிவித்துள்ளார்.
59 ஆவது சரத்தின் மூலம் ஜனாதிபதிக்கு அளவுக்கு அதிகமான அதிகாரங்கள் வழங்கப்படுவதால், அரசியலமைப்பின் 3 மற்றும் 4 ஆவது உறுப்புரைகள் மீறப்படக்கூடும் என்றும் அவர் வாதிட்டுள்ளார்.
கைது செய்யும் அதிகாரத்தை காவல்துறையினருக்கு மாத்திரமன்றி முப்படையினர் மற்றும் கரையோரப் பாதுகாப்புப் படையினருக்கும் விரிவுபடுத்தும் ஏற்பாடுகள் குறித்தும் அவர் கேள்வி எழுப்பியுள்ளார்.
இந்த மனுக்கள் மீதான உயர்நீதிமன்ற விசாரணைகள் இன்றும் தொடரவுள்ளன.
திருநெல்வேலி, யாழ்ப்பாணம், Idar- Oberstein, Germany, Coventry, United Kingdom
18 Oct, 2026
சுண்டிக்குளி, கொய்யாத்தோட்டம், யாழ்ப்பாணம், கொழும்பு, இத்தாலி, Italy, சுவிஸ், Switzerland
12 Nov, 2021
பருத்தித்துறை, மன்னார், Chavakacheri, புலோலி, Lewisham, United Kingdom
03 Oct, 2026
வல்வெட்டித்துறை, Chennai, India, London, United Kingdom
20 Oct, 2016
அராலி மேற்கு வட்டுகோட்டை, வேலணை 5ம் வட்டாரம், புத்தளம், Bergisch Gladbach, Germany
21 Oct, 2025
புங்குடுதீவு 2ம் வட்டாரம், புங்குடுதீவு 12ம் வட்டாரம், Markham, Canada
17 Oct, 2024