லங்காசிறி FM
24 மணிநேர கடவுச்சீட்டு சேவை இன்றுடன் நிறைவு
குடிவரவு மற்றும் குடியகல்வுத் திணைக்களம், 18.02.2025 அன்று தொடங்கப்பட்ட 24 மணி நேர ஒரு நாள் கடவுச்சீட்டு வழங்கும் சேவை இன்று (மே 30) முடிவுக்கு வருவதாக அறிவித்துள்ளது.
இந்த அறிவிப்பு, அவசரத் தேவைகளுக்காகப் கடவுச்சீட்டு எதிர்பார்த்திருந்த ஆயிரக்கணக்கான இலங்கை மக்களுக்கு பெரும் அதிர்ச்சியையும், குழப்பத்தையும் ஏற்படுத்தியுள்ளது.
இந்த சேவை திடீரென நிறுத்தப்படுவதற்கான உண்மையான காரணங்கள் குறித்து வெளிப்படைத்தன்மை இல்லாதது, இதன் பின்னணியில் ஏதேனும் அரசியல் அல்லது பொருளாதார அழுத்தங்கள் இருக்கலாமா என்ற சந்தேகங்களை எழுப்புகிறது.
ஒருபுறம் அரசின் திறன் மேம்பாடு என்று கூறப்பட்ட இந்த சேவை, குறுகிய காலத்திலேயே ஏன் நிறுத்தப்பட வேண்டும்? இது மக்களின் அடிப்படை உரிமையான பயண சுதந்திரத்தைப் பாதிக்கும் ஒரு தன்னிச்சையான முடிவா? இந்த கேள்விக்குரிய செயல்பாடு, நாட்டின் நிர்வாகத் திறமையின் மீதும், மக்களின் நலன்களின் மீதும் அரசுக்கு உள்ள அக்கறை குறித்தும் கடுமையான விமர்சனங்களை எழுப்பியுள்ளது.
இதன்படி, ஜூன் 2, 2025 திங்கட்கிழமை முதல், பத்தரமுல்லையில் உள்ள குடிவரவு மற்றும் குடியகல்வுத் திணைக்களத்தின் தலைமை அலுவலகத்தில் காலை 7 மணி முதல் பிற்பகல் 2 மணி வரை ஒரே நாள் பாஸ்போர்ட் வழங்கும் சேவைக்கான விண்ணப்பங்கள் ஏற்றுக்கொள்ளப்படும்.
அதே நாளில் ஒரு நாள் சேவைக்காக ஏற்கனவே முன்பதிவு செய்த விண்ணப்பதாரர்களும், அவசர அல்லது முன்னுரிமைத் தேவைகள் உள்ள விண்ணப்பதாரர்களும் மேற்கண்ட காலத்தில் ஒரு நாள் சேவையின் கீழ் தங்கள் விண்ணப்பங்களைச் சமர்ப்பிக்கலாம்.
தலைமை அலுவலகத்தில் சாதாரண சேவைகளின் கீழ் விண்ணப்பங்கள் காலை 7 மணி முதல் பிற்பகல் 2 மணி வரை ஏற்றுக்கொள்ளப்படும்.
பிராந்திய அலுவலகங்களில் சாதாரண மற்றும் ஒரு நாள் சேவைக்கான விண்ணப்பங்கள் வழக்கம் போல் காலை 7 மணி முதல் பிற்பகல் 2 மணி வரை ஏற்றுக்கொள்ளப்படும் என்று அறிவிக்கப்பட்டுள்ளது.
இந்த மாற்றங்கள், ஏற்கனவே சிரமத்தில் உள்ள மக்களின் சுமையை மேலும் அதிகரிக்கும்.
24 மணி நேர சேவை திடீரென நிறுத்தப்பட்டு, நேரம் குறைக்கப்பட்டது, மக்களுக்கு தேவையற்ற அலைச்சலையும், காலவிரயத்தையும் ஏற்படுத்தும்.
இது அரசாங்கத்தின் வெளிப்படைத்தன்மை இல்லாத செயல்பாடுகளையும், மக்களுக்கு வழங்கப்படும் சேவைகளில் உள்ள ஸ்திரத்தன்மையின்மையையும் எடுத்துக்காட்டுகிறது
புங்குடுதீவு 6ம் வட்டாரம், புங்குடுதீவு, கிளிநொச்சி, கொழும்பு, Crawley, United Kingdom
15 Aug, 2026
கோப்பாய், Sudbury Hill, United Kingdom, Ealing, United Kingdom
27 Jul, 2026
உரும்பிராய், மன்னார் முருங்கன், Markham, Canada, Drancy, France
21 Aug, 2026
