லங்காசிறி FM
2023 உலக கிண்ண தொடர்: தென் ஆப்பிரிக்காவிடம் போராடி தோல்வியை தழுவிய இலங்கை!
Shankar
2023 ஆம் ஆண்டுக்கான ஒரு நாள் உலக கிண்ண கிரிக்கெட் போட்டி தொடரின் இன்றைய போட்டியில் இலங்கை அணியை 102 ஓட்டங்கள் வித்தியாசத்தில் வெற்றியை பெற்றுள்ளது.
உலக கிண்ண கிரிக்கெட் போட்டி தொடரின் 4-வது போட்டியில் தென் ஆப்பிரிக்க அணியும் இலங்கை அணியும் மோதின.
டெல்லியில் நடைபெறும் இந்தப் போட்டியில் நாணய சுழற்சியில் வென்ற இலங்கை அணி முதலில் பந்து வீச்சை தேர்வு செய்தது.
இதன்படி, தென்னாப்பிரிக்க அணி முதலில் துடுப்பெடுத்தாடியது, துவக்கம் முதலே அதிரடி காட்டிய தென் ஆப்பிரிக்க அணி ரன்மழை பொழிந்தது. குயிண்டன் டாக் 100 ஓட்டங்களையும், வாண்டர் உசேன் 108 ஓட்டங்களையும், ஏய்டென் மார்கரம் 106 ஓட்டங்களையும் பெற்றனர்.
இந்நிலையில், நிர்ணயிக்கப்பட்ட 50 ஓவர்கள் முடிவில் 5 விக்கெட் இழப்புக்கு தென் ஆப்பிரிக்க 428 ஓட்டங்களை குவித்தது.
பின்னர் 429 என்ற இமாலய இலக்கை நோக்கி துடுப்பெடுத்தாடிய இலங்கை அணி 44.5 ஓவர்கள் நிறைவில் சகல விக்கெட்டுக்களையும் இழந்து 326 ஓட்டங்களை பெற்று தோல்வியை தழுவியது.
இலங்கை அணி சார்பில் அதிரடியாக ஆடிய குசல் மெண்டிஸ் 76 ஓட்டங்களையும், சரித் அசலங்கா 79 ஓட்டங்களையும் அணியின் தலைவர் தசுன் ஷனக 68 ஓட்டங்களையும் பெற்றுக்கொடுத்தனர்.
பந்து வீச்சில் தென்னாபிரிக்க அணி சார்பில் ஜெரால்ட் கோட்ஸி 3 விக்கெட்டுக்களை வீழ்த்தினார்.
அனலைதீவு 3ம் வட்டாரம், புங்குடுதீவு 5ம் வட்டாரம், Bünde, Germany, Selm, Germany
11 Jul, 2024
புதுக்குளம், Ilford, United Kingdom, பிரித்தானியா, United Kingdom
10 Jul, 2019
