நாமல் ராஜபக்ஷவுக்கு 70 மில்லியன் ரூபாய் லஞ்சம்; பெண் கைது

SLPP Namal Rajapaksa Crime FCID - Financial Crimes Investigation Division

By Sulokshi Sep 24, 2026 12:17 PM GMT

Sulokshi

Report

க்ரிஷ் நிறுவனத்தின் முன்னாள் பணிப்பாளர் ஜானகி சிறிவர்தன எதிர்வரும் ஒக்டோபர் 6 ஆம் திகதி வரையில் விளக்கமறியலில் வைக்கப்பட்டுள்ளார். சந்தேகநபர் கொழும்பு நீதவான் நீதிமன்றில் ஆஜர்படுத்தப்பட்ட போதே, இந்த உத்தரவு பிறப்பிக்கப்பட்டுள்ளது.

இலஞ்ச, ஊழல் ஆணைக்குழுவினால் அவர் இன்று (24) பிற்பகல் கைது செய்யப்பட்டிருந்தார்.

முதலாம் இணைப்பு

பாராளுமன்ற உறுப்பினர் நாமல் ராஜபக்ஷவுக்கு 70 மில்லியன் ரூபாய் லஞ்சம் வழங்கியதாகக் கூறப்படும் கிரிஷ் (Krrish) தனியார் நிறுவனத்தின் பெண் பணிப்பாளர் ஒருவர் கைது செய்யப்பட்டுள்ளதாக லஞ்ச ஊழல் விசாரணை ஆணைக்குழு தெரிவித்துள்ளது.

க்ரிஷ் நிறுவனத்தின் முன்னாள் பணிப்பாளர் ஜானகி சிறிவர்தன, இலஞ்ச, ஊழல் ஆணைக்குழுவினால் இன்று (24) கைது செய்யப்பட்டுள்ளார்.

நாமல் ராஜபக்ஷவுக்கு 70 மில்லியன் ரூபாய் லஞ்சம்; பெண் கைது | Woman Arrested 70 Million Bribe Namal Rajapaksa

நாமல் ராஜபக்ஷவுக்கு 70 மில்லியன் ரூபா

குறித்த நிறுவனத்திற்காக, நகர அபிவிருத்தி அதிகாரசபைக்குச் சொந்தமான கொழும்பு கோட்டை 'டிரான்ஸ்வொர்க் சதுக்கம்' (Transworks Square) நிலத்தை விரைவாகப் பெற்றுக்கொள்வதற்கு உதவுவதற்காக, பாராளுமன்ற உறுப்பினர் நாமல் ராஜபக்ஷவுக்கு 70 மில்லியன் ரூபாவை இலஞ்சமாகக் வழங்கியதாக கூறப்படும் குற்றச்சாட்டின் பேரிலேயே இவர் கைது செய்யப்பட்டுள்ளார்.

அவர் இந்த 70 மில்லியன் ரூபாய் பணத்தை மூன்று சந்தர்ப்பங்களில் நாமல் ராஜபக்ஷவுக்கு வழங்கியதாகக் குற்றம் சாட்டப்பட்டுள்ளது. சந்தேகநபர் இன்று (24) நீதிமன்றத்தில் ஆஜர்படுத்தப்படவுள்ளார்.

இந்தியாவின் ‘கிரிஷ்’ (Krrish) நிறுவனத்திடமிருந்து இலங்கை நாடாளுமன்ற உறுப்பினர் நாமல் ராஜபக்ஷ ரூ. 70 மில்லியன் (7 கோடி) நிதியை முறைகேடாகப் பெற்றார் என்ற குற்றச்சாட்டின் பேரில் கொழும்பு உயர் நீதிமன்றத்தில் வழக்கு விசாரணை நடைபெற்று வருகிறது.