லங்காசிறி FM
மேல் மாடியில் இருந்து வீழ்ந்த மனைவி; கணவனும் காதலியும் கைது
Sulokshi
வீடொன்றின் மேல் மாடியில் இருந்து கீழே தவறி வீழ்ந்து மனைவி காயமடைந்த சம்பவம் தொடர்பில் கணவன் உட்பட இருவர் கைது செய்யப்பட்டுள்ளதாக பொலிஸார் தெரிவித்தனர்.
களுத்துறை, வஸ்கடுவ பிரதேசத்தில் இந்த சம்பவம் இடம்பெற்றுள்ளது. மாத்தறை, வெலிகம பிரதேசத்தில் வசிக்கும் 29 வயதுடைய மனைவியே காயமடைந்துள்ளார்.
கணவனும் காதலியும் கைது
இது தொடர்பில் தெரியவருவதாவது, காயமடைந்தவரின் கணவர், தகாத உறவில் ஈடுபட்டுள்ள பெண்ணொருவருடன் மூன்று மாத காலமாக வீட்டில் தங்கியிருந்துள்ளார்.
கணவர் தனது மனைவியை பலாத்காரமாக இந்த வீட்டிற்கு அழைத்து வந்து அங்கு தங்க வைத்துள்ளார். இதனால், மனைவி வீட்டின் ஜன்னல் வழியாக வெளியே தப்பிச் செல்ல முயன்ற போது மேல் மாடியில் இருந்து கீழே தவறி வீழ்ந்து காயமடைந்துள்ளதாக பொலிஸார் தெரிவித்தனர்.
காயமடைந்த மனைவி களுத்துறை போதனா வைத்தியசாலையில் அனுமதிக்கப்பட்டுள்ளதாக பொலிஸார் மேலும் தெரிவித்தனர். இதனையடுத்து சந்தேக நபரான கணவரும் , காதலியும் பொலிஸாரால் கைது செய்யப்பட்டுள்ளனர்.
மேலும் சம்பவம் தொடர்பான மேலதிக விசாரணைகளை களுத்துறை வடக்கு பொலிஸார் மேற்கொண்டு வருகின்றனர்.
தர்மகேணி, கிளிநொச்சி முரசுமோட்டை 3ம் யூனிற், Jaffna, கம்பஹா வத்தளை, நல்லூர்
21 Nov, 2022
