லங்காசிறி FM
எம்.ஜி.ஆரின் சாதனையை முறியடித்த விஜய் ; தமிழக அரசியலில் புதிய சரித்திரம்!
தமிழகத்தில் சட்டசபைத் தேர்தலுக்கான வாக்கு எண்ணிக்கை இன்று (04) விறுவிறுப்பாக நடைபெற்று வரும் நிலையில், நடிகர் விஜய் தலைமையிலான 'தமிழக வெற்றிக் கழகம்' (TVK) ஆரம்பத்திலேயே வரலாற்றுச் சாதனை ஒன்றைப் படைத்துள்ளது.
திராவிடக் கட்சிகளின் ஆதிக்கத்தை உடைத்துத் தவெக புதிய சரித்திரம்
கட்சி ஆரம்பித்துத் தனது முதல் தேர்தலிலேயே எம்.ஜி.ஆரின் (MGR) பல தசாப்த கால சாதனையை விஜய் முறியடித்துள்ளதாகத் தகவல்கள் தெரிவிக்கின்றன.
1977 ஆம் ஆண்டு நடைபெற்ற தனது முதல் சட்டசபைத் தேர்தலில் எம்.ஜி.ஆரின் அதிமுக 30.4 சதவீத வாக்குகளைப் பெற்றுச் சாதனை படைத்திருந்தது.
ஆனால், இன்றைய வாக்கு எண்ணிக்கையின் பகல் நேர நிலவரப்படி, விஜய்யின் தவெக சுமார் 38 சதவீத வாக்குகளைப் பெற்று அந்தச் சாதனையைத் தகர்த்துள்ளது. தமிழகத்தின் 234 தொகுதிகளில் சுமார் 104 முதல் 108 தொகுதிகளில் தவெக முன்னிலையில் உள்ளது. இதன் மூலம் 60 ஆண்டுகால திராவிடக் கட்சிகளின் ஆதிக்கத்தை உடைத்துத் தவெக தனிப்பெரும் கட்சியாக உருவெடுத்துள்ளது.
விஜய்யின் தனிப்பட்ட வெற்றி: தவெக தலைவர் விஜய் தான் போட்டியிட்ட பெரம்பூர் மற்றும் திருச்சி கிழக்கு ஆகிய இரண்டு தொகுதிகளிலும் முன்னிலையில் உள்ளார். திராவிடக் கட்சிகளின் பின்னடைவு:
ஆளுங்கட்சியான திமுக மற்றும் பிரதான எதிர்க்கட்சியான அதிமுக ஆகிய இரண்டும் பல தொகுதிகளில் பின்னடைவைச் சந்தித்துள்ளன. குறிப்பாக முதலமைச்சர் மு.க. ஸ்டாலின் கொளத்தூர் தொகுதியில் பின்னிலையில் இருப்பதாகத் தெரிவிக்கப்படுகிறது.
புங்குடுதீவு 8ம் வட்டாரம், கொழும்பு, முல்லைத்தீவு, Den Helder, Netherlands
10 May, 2020
யாழ் சண்டிலிப்பாய் வடக்கு, Jaffna, நல்லூர், திருநெல்வேலி, யாழ்ப்பாணம், கனடா, Canada
02 May, 2021
