தூங்கி கொண்டிருந்த ஐ .தே .க பெண் உறுப்பினர்; கண்விழித்த போது காத்திருந்த அதிர்ச்சி

  மட்டக்களப்பு மாநகர சபை முன்னாள் ஐக்கிய தேசிய கட்சி பெண் உறுப்பினர் ஒருவரின் வீடு உடைத்து தங்க ஆபரணம், புகைபடகருவி, பணம் ஆகியவற்றை திருடிச் சென்ற சம்பவம் ஒன்று இடம்பெற்றுள்ளது.

இந்த கொள்ளைச் சம்பவம் திங்கட்கிழமை (11) அதிகாலை 2.30 மணிக்கு இடம்பெற்றுள்ளதாக மட்டு தலைமையக பொலிஸார் தெரிவித்தனர்.

யன்னலை கழற்றி உள்நுழைந்த திருடன்

பெண் உறுப்பினர் வீட்டில் நேற்று ஞாயிற்றுக்கிழமை இரவு பிள்ளைகளுடன் வீட்டின் அறையில் உறங்கி கொண்டிருந்துள்ளார்.

சம்பவதினமான அதிகாலை 2.30 மணிக்கு வீட்டின் சமையலறையின் யன்னலை கழற்றி உள்நுழைந்த திருடன் அறையில் அலுமாரியில் வைத்திருந்த 43 இலட்சத்து 7,333 ரூபா பெறுமதியான 27 ¾ பவுண்கள் கொண்ட தங்க ஆபரணங்கள், 3 இலச்சது 17 ரூபா பணம், 6 இலட்சம் ரூபா பெறுமதியான புகைபடகருவி என்பன  திருடுபோயுள்ளது.

யாழில் பரபரப்பை ஏற்படுத்திய சம்பவம்; குடும்பஸ்தர் கடத்தப்பட்டு கொலை

பெண் உறுப்பினர் கண்விழத்த போது திருடனை கண்டுள்ளதாகவும், எனினும் அவரால் படுக்கையில் இருந்து எழும்ப முடியாதவாறு இருந்துள்ளதாகவும் பொலிஸாரின் ஆரம்பகட்ட விசாரணையில் தெரியவந்துள்ளது.

இதனையடுத்து பொலிஸார் தடயவியல் பிரிவினரை அழைத்து விசாணைகளை மேற்கொண்டுவருகின்றனர்.

இதேவேளை குறித்த மாநகர சபை உறுப்பினரின் வீடு உடைப்பதற்கு முன்னர் அவரின் வீட்டிற்கு அருகிலுள்ள இரு வீடுகளின் யன்னலை உடைத்து திருடர்கள் நுழைந்துள்ளதாகவும் எதுவிதமான பொருட்களை திருடிச் செல்லவில்லை என பொலிஸார் தெரிவித்தனர்.

மேலும் சம்பவம் தொடர்பான மேலதிக விசாரணைகளை மட்டு தலைமையக பொலிஸார் மேற்கொண்டு வருகின்றனர்.