யாழ். அமெரிக்க பல்கலைக்கழகங்கள் புரிந்துணர்வு ஒப்பந்தம்

University of Jaffna Sri Lanka Cabinet United States of America

By Sulokshi Nov 10, 2026 02:00 PM GMT

Sulokshi

Report

யாழ்ப்பாணப் பல்கலைக்கழகத்திற்கும் அமெரிக்காவில் உள்ள தெற்கு இல்லினாய்ஸ் பல்கலைக்கழகத்தின் (Southern Illinois University) அறங்காவலர் குழுவிற்கும் இடையே ஐந்தாண்டு காலப் புரிந்துணர்வு ஒப்பந்தத்தில் (MoU) கையெழுத்திடுவதற்கான அவசியமான அமைச்சரவை அனுமதி வழங்கப்பட்டுள்ளது.

கல்வி மற்றும் ஆராய்ச்சித் தொடர்புகளை வலுப்படுத்தும் நோக்கில், இரு நாடுகளுக்கும் இடையே கூட்டுக்கல்வி மற்றும் ஆராய்ச்சி நடவடிக்கைகள் மூலம் கல்விசார் சிறந்து விளங்குதல், அறிவுப் பகிர்வு மற்றும் நட்புறவை மேம்படுத்துவதே இப் புரிந்துணர்வு ஒப்பந்தத்தின் பிரதான நோக்கமாகும்.

யாழ். அமெரிக்க பல்கலைக்கழகங்கள் புரிந்துணர்வு ஒப்பந்தம் | University Of Jaffna Partners With Us Universities

அமைச்சரவை அனுமதி

இந்த ஒப்பந்தத்தின் கீழ், இரு பல்கலைக்கழகங்களும் கூட்டு ஆராய்ச்சி, கல்விசார் நிகழ்ச்சிகள், சொற்பொழிவுகள், விவாதங்கள் மற்றும் பீடப் பரிமாற்றங்களுக்கான வாய்ப்புகளை ஆராயவுள்ளன.

அத்துடன், கற்பித்தல், கற்றல், ஆராய்ச்சி மற்றும் பயிற்சிக்கான (Internships) வாய்ப்புகள் உள்ளிட்ட இளங்கலை மற்றும் முதுகலை மாணவர்களின் பரிமாற்றங்களையும் இது ஊக்குவிக்கின்றது.

மேலும், கூட்டு மாநாடுகள், கருத்தரங்குகள் மற்றும் பிற கல்விசார் நிகழ்வுகளையும், தகவல் மற்றும் கல்விசார் வளங்களின் பரிமாற்றங்களையும் இப் புரிந்துணர்வு ஒப்பந்தம் உறுதி செய்கிறது.

குறித்த புரிந்துணர்வு ஒப்பந்தமானது, கையெழுத்திடப்படும் தேதியிலிருந்து ஐந்து ஆண்டுகளுக்குச் செயற்பாட்டில் இருக்கும். கல்வி, உயர்கல்வி மற்றும் தொழிற்கல்வி அமைச்சரின் தகுதி அடிப்படையில் கௌரவ பிரதமர் அவர்களால் சமர்ப்பிக்கப்பட்ட இப் புரிந்துணர்வு ஒப்பந்தத்துடன் முன்னோக்கிச் செல்வதற்கான முன்மொழிவிற்கு அமைச்சரவை ஒப்புதல் அளித்துள்ளது.