லங்காசிறி FM
போதைப்பொருள் கடத்தலுக்கு உதவிய இரண்டு இடங்கள் சுற்றிவளைப்பு
Sahana
போதைப்பொருள் கடத்தல்காரர்கள் தங்கள் போதைப்பொருள் பொட்டலங்களை அடையாளம் காணப் பயன்படுத்தும் குறியீட்டு ஸ்டிக்கர்களை உருவாக்கும் இடமொன்றை பொலிஸ் மத்திய குற்றப் புலனாய்வுப் பணியகம் சுற்றிவளைத்துள்ளது.
இதன்போது ஒருவர் கைது செய்யப்பட்டுள்ள நிலையில், அந்த இடத்தில் இருந்து போதைப்பொருள் கடத்தல்காரர்கள் பயன்படுத்தும் பல குறியீட்டு ஸ்டிக்கர்கள் அடங்கிய தொகுதியைக் கண்டுபிடித்ததாக பொலிஸார் தெரிவித்தனர்.
போதைப்பொருள் கடத்தல்காரர்கள் தங்கள் போதைப்பொருள் பொட்டலங்களை அடையாளம் காணப் பயன்படுத்தும் குறியீடுகளை உருவாக்கும் இடம் கல்கிசையில் இருப்பதாக பொலிஸ் மத்திய குற்றப் புலனாய்வுப் பணியகத்துக்கு அண்மையில் தகவல் கிடைத்தது.
அதன்படி, அதன் பணிப்பாளர், சிரேஷ்ட பொலிஸ் அத்தியட்சகர் கமல் ஆரியவங்சவின் உத்தரவின் பேரில், கணினி குற்றப் புலனாய்வுப் பிரிவின் பொறுப்பதிகாரி விசாரணையை ஆரம்பித்தார்.
அதன் விளைவாக, குறித்த இடம் நேற்று மாலை சுற்றிவளைக்கப்பட்டு அதன் உரிமையாளர் கைது செய்யப்பட்டார்.
கண்டுபிடிக்கப்பட்ட ஸ்டிக்கர்கள் கல்கிசை மற்றும் படோவிட்ட பகுதியில் உள்ள போதைப்பொருள் கடத்தல்காரர்களால் பரவலாகப் பயன்படுத்தப்பட்டிருக்கலாம் என்று சந்தேகிக்கப்படுகிறது.
உலகப் புகழ்பெற்ற கார்ட்டூன் மற்றும் தொலைக்காட்சித் தொடர்களின் கதாபாத்திரங்களைப் பயன்படுத்தி உருவாக்கப்பட்ட ஸ்டிக்கர் தொகுதியும் அவற்றில் அடங்கும்.
இதற்கிடையில், வெளிநாடுகளில் உள்ள பிரதான போதைப்பொருள் கடத்தல்காரர்களுடன் தொடர்புகளைப் பேணி, ஹெரோயின் போதைப்பொருள் பொதியிடலுக்குப் பயன்படுத்தப்படும் ஸ்டிக்கர்களை அச்சிட்ட மொரட்டுமுல்லை, கட்டுபெத்தையில் அமைந்துள்ள இடமொன்றை பானதுறைப் பிரிவுக் குற்றப் புலனாய்வுப் பணியக அதிகாரிகள் சுற்றிவளைத்தனர்.
கடந்த 9 ஆம் திகதி ஹெரோயினுடன் கைது செய்யப்பட்ட சந்தேகநபர்கள் குழுவினரிடம் மேற்கொண்ட விசாரணைகளின்போதே இந்த இடம் குறித்த தகவல்கள் வெளியானது.
புங்குடுதீவு 12ம் வட்டாரம், புங்குடுதீவு, பேர்ண், Switzerland
12 Nov, 2025
மானிப்பாய், வண்ணார்பண்ணை, யாழ்ப்பாணம், London, United Kingdom
14 Nov, 2025
