லங்காசிறி FM
கலைஞர் பதவியேற்ற அதே இடத்தில் விஜய் பதவியேற்பு; உற்சாகத்தில் தவெகவினர்!
தமிழக அரசியல் வரலாற்றில் ஒரு முக்கிய மைல்கல்லாக, தமிழக வெற்றி கழகத்தின் தலைவர் விஜய் நாளையதினம் ( மே 7 ) நேரு உள்விளையாட்டு அரங்கில் தமிழக முதல்வராகப் பதவியேற்க உள்ளார்.
நேரு உள்விளையாட்டு அரங்கில் இடம்பெறவுள்ள பதவியேற்பு விழா நடைபெறவுள்ள இடம், பல வரலாற்று நினைவுகளைத் தட்டி எழுப்பியுள்ளது.
2006-ஆம் ஆண்டு கருணாநிதி பதவியேற்ப்பு
கடந்த 2006-ஆம் ஆண்டு, மறைந்த முன்னாள் முதல்வர் கலைஞர் கருணாநிதி சென்னை ஜவஹர்லால் நேரு உள்விளையாட்டு அரங்கில் பதவியேற்றார்.
அதன் பிறகு சுமார் 20 ஆண்டுகள் கழித்து, அதே நேரு ஸ்டேடியத்தில் விஜய் முதல்வராகப் பதவியேற்க இருப்பது அரசியல் வட்டாரங்களில் பெரும் பேசுபொருளாகியுள்ளது.
பதவியேற்பு விழாவின் சிறப்பம்சங்கள், 2026 சட்டமன்றத் தேர்தலில் 108 இடங்களை வென்று தனிப்பெரும் கட்சியாக உருவெடுத்த தவெக, கூட்டணி கட்சிகளின் ஆதரவுடன் ஆட்சி அமைக்க உள்ளது.
ஆளுநர் மாளிகையில் வழக்கமாக நடைபெறும் பதவியேற்பு விழாவிற்குப் பதிலாக, லட்சக்கணக்கான தொண்டர்கள் பங்கேற்கும் வகையில் இந்த மைதானம் தேர்வு செய்யப்பட்டுள்ளது.
மே 7-ஆம் திகதி நடைபெறவுள்ள இந்த விழாவிற்கான பாதுகாப்பு மற்றும் மேடை அலங்காரப் பணிகள் ஜவஹர்லால் நேரு ஸ்டேடியத்தில் தவெக தொண்டர்களால் விறுவிறுப்பாக முன்னெடுக்கப்பட்டு வருகின்றன.
கலைஞர் கருணாநிதி தனது அரசியல் பயணத்தின் தொடங்க்கிய அதே இடத்தில் விஜய் பதவியேற்பது, தமிழக அரசியலில் ஒரு புதிய சகாப்தத்தின் தொடக்கமாகப் பார்க்கப்படுகிறது.
