சங்குப்பிட்டி பாலத்தில் போக்குவரத்திற்கு தடை

Jaffna Mannar Sri Lankan Peoples

By Sulokshi Oct 06, 2026 06:36 AM GMT

Sulokshi

Report

யாழ்ப்பாணம் - மன்னார் (A32) பிரதான வீதியில் அமைந்துள்ள சங்குப்பிட்டிப் பாலத்தில் அவசர திருத்தப் பணிகள் காரணமாக 5 நாட்களுக்கு குறித்த வீதி மூடப்படவுள்ளது.

பாலத்தின் திருத்த பணி காரணமாக நாளைய தினம் புதன்கிழமை முற்பகல் 8.00 மணி முதல் எதிர்வரும் திங்கட்கிழமை முற்பகல் 8.00 மணி வரை, ஐந்து நாட்களுக்கு சங்குப்பிட்டிப் பாலத்தின் ஊடான அனைத்து வகையான வாகனப் போக்குவரத்தும் முற்றாகத் தடைசெய்யப்படும் என வீதி அபிவிருத்தி அதிகார சபையின் மாகாணப் பணிப்பாளர் அறிவித்துள்ளார்.

சங்குப்பிட்டி பாலத்தில் போக்குவரத்திற்கு தடை | Traffic Banned On Sanguppiddy Bridge

பேருந்துக் கட்டண உயர்வு ஏற்படக்கூடும்

குறித்த காலப்பகுதியில் சங்குப்பிட்டிப் பாலம் ஊடாகப் பயணிக்கத் திட்டமிடும் பொதுமக்கள், பேருந்துகள், கனரக வாகனங்கள் உள்ளிட்ட அனைத்து வாகன சாரதிகளும் மாற்று வீதிகளைப் பயன்படுத்துமாறு கேட்டுக்கொள்ளப்படுகின்றனர்.

அத்துடன் மாற்று வழித்தடம் காரணமாக பேருந்துகளின் பயணத் தூரம் சுமார் 50 கிலோமீற்றர் வரை அதிகரிக்கக்கூடும் எனவும், இதனால் சிறிய அளவிலான பேருந்துக் கட்டண உயர்வு ஏற்படக்கூடும் எனவும் தெரிவிக்கப்பட்டுள்ளது.

பயணிகள் தங்களது பயணங்களை முன்கூட்டியே திட்டமிட்டு, மாற்று வழித்தடத்தை கருத்திற்கொள்ளுமாறு அதிகார சபை கேட்டுக்கொண்டுள்ளது.

திருத்தப் பணிகள் திட்டமிட்ட காலத்திற்கு முன்னதாக நிறைவடைந்தால், சங்குப்பிட்டிப் பாலம் முன்கூட்டியே போக்குவரத்துக்காகத் திறக்கப்படும் எனவும் வீதி அபிவிருத்தி அதிகார சபை தெரிவித்துள்ளமை குறிப்பிடத்தக்கது.