லங்காசிறி FM
தென்னிலங்கையில் இருந்து யாழ்ப்பாணம் வந்த குடும்பத்திற்கு நேர்ந்த சோகம்!
தென்னிலங்கையில் இருந்து சுற்றுலாவிற்காக யாழ்ப்பாணம் வந்தவர்களின் கார் மீது பட்டா ரக வாகனம் மோதியதில் பெண்ணொருவர் உயிரிழந்துள்ளார்.
இச்சம்பவம் நேற்றையதினம் (10-11-2024) இடம்பெற்றுள்ளதாக பொலிஸார் தெரிவித்துள்ளனர்.
குறித்த சம்பவத்தில் கம்பஹாவைச் சேர்ந்த 60 வயதுடைய டோனி ப்ரெயன் பெரேரா ரணசிங்க வீரக்கொடியே குசும்புஸ்பராணி என்ற பெண்ணே உயிரிழந்திருப்பதாக தெரிவிக்கப்பட்டுள்ளது.
சம்பவம் தொடர்பில் மேலும் தெரியவருவதாவது,
கம்பஹாவில் உள்ள ஒரே குடும்பத்தைச் சேர்ந்த 3 பேர் சுற்றுலாவிற்காக கடந்த 9ஆம் திகதி யாழ்ப்பாணம் வந்துள்ளனர்.
இதன் போது தெல்லிப்பழை சந்திக்கும் தெல்லிப்பழை பொலிஸ் நிலையத்திற்கும் இடைப்பட்ட பகுதியில் நேற்று முன்தினம் (10) பட்டா ரக வாகனமும், காரும் மோதி விபத்துக்குள்ளாகியுள்ளது.
குறித்த விபத்தில் படுகாயமடைந்த பெண் சிகிச்சைக்காக யாழ்ப்பாண போதனா வைத்தியசாலையில் அனுமதிக்கப்பட்டார்.
எனினும் சிகிச்சை பலனின்றி நேற்றையதினம் அவர் உயிரிழந்தார்.
அவரது சடலம் மீதான மரண விசாரணைகளை திடீர் மரண விசாரணை அதிகாரி ஜெயபாலசிங்கம் மேற்கொண்டார்.
உடற்கூற்று பரிசோதனைகளின் பின்னர் உறவினர்களிடம் சடலம் ஒப்படைக்கப்பட்டது.
புங்குடுதீவு 3ம் வட்டாரம், Herzogenbuchsee, Switzerland, Toronto, Canada, கரவெட்டி
05 Oct, 2022
