லங்காசிறி FM
பொலிஸ் அதிகாரியை கொலை செய்ய உதவியை சந்தேக நபர் கட்டுநாயக்காவில் அதிரடி கைது!
Shankar
காலி, இரத்கம பொலிஸ் நிலையத்தில் கடமையாற்றிய பொலிஸ் பரிசோதகர் ஒருவரை கொலை செய்வதற்கு உதவி செய்ததாக கூறப்படும் கலஹெட்டிஆராச்சிகே திமுத்து சம்பத் என்ற “பொடி திமுத்து” என்பவர் கைது செய்யப்பட்டுள்ளார்.
குறித்த சந்தேக நபர் கட்டுநாயக்க விமான நிலையத்தில் வைத்து இன்றையதினம் (21-10-2024) கைது செய்யப்பட்டுள்ளார்.
“பொடி திமுத்து” என்பவர் கலபட பிரதேசத்தைச் சேர்ந்த 28 வயதுடையவர் ஆவார்.
இவர் சார்ஜாவில் இருந்து இன்று அதிகாலை 03.00 மணியளவில் கட்டுநாயக்க விமான நிலையத்தை வந்தடைந்துள்ளார்.
இதன்போது, விமான நிலையத்திலிருந்த குடிவரவு மற்றும் குடியகல்வு திணைக்கள அதிகாரிகளும் குற்றப் புலனாய்வு திணைக்கள அதிகாரிகளும் இணைந்து இவரை கைது செய்துள்ளனர்.
இதனையடுத்து, கைது செய்யப்பட்ட சந்தேக நபர் மேலதிக விசாரணைகளுக்காக கொழும்பு பொலிஸ் குற்றப் புலனாய்வு திணைக்களத்தில் ஒப்படைக்கப்பட்டுள்ளார்.
கைதான “பொடி திமுத்து” என்ற சந்தேக நபர் கடந்த ஆண்டு ஒக்டோபர் மாதம் 09 ஆம் திகதி அன்று இரத்கம பொலிஸ் நிலையத்தில் கடமையாற்றிய பொலிஸ் பரிசோதகர் ஒருவரை சுட்டுக்கொலை செய்வதற்கு உதவி செய்துள்ளதாக பொலிஸார் தெரிவித்தனர்.
ஊர்காவற்றுறை, Biel/Bienne, Switzerland, கொழும்பு, யாழ்ப்பாணம், வேலணை
17 Mar, 2025
