லங்காசிறி FM
வர்த்தக நிலையங்களில் அதிரடி சோதனை; பிளாஸ்டிக் போத்தல்கள் பறிமுதல்!
கொழும்பு, புறக்கோட்டைப் பகுதியில் தரமற்ற மற்றும் முறையற்ற பிளாஸ்டிக் தண்ணீர் போத்தல்களை விற்பனை செய்த வர்த்தக நிலையங்களை இலக்குவைத்து, நுகர்வோர் விவகார அதிகாரசபை (CAA) விசேட சோதனையொன்றை நடத்தியதில் 801 போத்தல்கள் பிளாஸ்டிக் கைப்பற்றப்பட்டுள்ளன.
விசாரணைகள் நிறைவடைந்ததும், சம்பந்தப்பட்ட வர்த்தகர்களுக்கு எதிராக நீதவான் நீதிமன்றத்தில் வழக்குத் தொடரப்படும் என அதிகாரசபை அறிவித்துள்ளது.
பிளாஸ்டிக் போத்தல்களுக்கு SLS 1616 தரம் கட்டாயம்
மீண்டும் பயன்படுத்தக்கூடிய குடிநீர் பிளாஸ்டிக் போத்தல்களுக்கு SLS 1616 தரம் கட்டாயமாகும். இலங்கையில் தயாரிக்கப்படும் போத்தல்களில் இலங்கை கட்டளைகள் நிறுவனத்தின் SLS சான்றிதழ் இலச்சினை இடம்பெற்றிருக்க வேண்டும்.
இறக்குமதி செய்யப்படும் போத்தல்கள் SLSI பரிசோதனை முறைமையின் கீழ் அங்கீகரிக்கப்பட்ட பின்னரே விற்பனை செய்யப்பட வேண்டும். தரமான மற்றும் சட்டப்பூர்வமான போத்தல்களை மட்டுமே கொள்வனவு செய்யுமாறு நுகர்வோர் கேட்டுக்கொள்ளப்படுகிறார்கள்.
அத்துடன் சந்தையில் இடம்பெறும் முறைகேடுகள் மற்றும் விதிமீறல்கள் தொடர்பாக 1977 என்ற அவசர தொலைபேசி இலக்கத்திற்குத் தொடர்பு கொண்டு நுகர்வோர் விவகார அதிகாரசபையிடம் முறைப்பாடு செய்யலாம்.
மானிப்பாய், Florida, United States, Southgate, United Kingdom
24 Sep, 2026
