லங்காசிறி FM
உதவிக்காக மீண்டும் இந்தியாவை எதிர்பார்க்கும் இலங்கை!
Sulokshi
நாட்டில் புகையிரத அமைப்பை மறுசீரமைப்பதற்காக இந்திய கடன் திட்டத்தை பெற்றுக்கொள்ள எதிர்பார்த்துள்ளதாக அமைச்சரவை பேச்சாளர் பந்துல குணவர்தன தெரிவித்துள்ளார்.
இன்று (06) நடைபெற்ற அமைச்சரவை முடிவுகளை அறிவிக்கும் ஊடகவியலாளர் சந்திப்பில் ஊடகவியலாளர் எழுப்பிய கேள்விக்கு பதிலளிக்கும் போதே அவர் இதனை குறிப்பிட்டார்.
உரிய நேரத்தில் இயக்க முடியாத நிலை
“..10, 20, 30, 40 ஆண்டுகள் பழமையான தடங்கள் உள்ளன, அங்கு வேக வரம்பு 20-30 ஆக அமைக்கப்பட்டுள்ளது. தடங்கள் மேடு பள்ளமாக உள்ளன. விபத்துகள் ஏற்பட்டு உரிய நேரத்தில் இயக்க முடியாத நிலை உள்ளது.
அவற்றினை சரிசெய்ய இந்தியாவிடமிருந்து கடன் திட்டத்தைப் பெற நாங்கள் நம்புகிறோம். அதேபோல், தனியார் முதலீட்டாளர்களுக்கு வருமானம் ஈட்டுவதற்கு வணிக முறைகளைப் பயன்படுத்துவோம் என்று நம்புகிறோம் என கூறினார்.
அதேவேளை கடந்த காலத்தில் புகையிரத திணைக்களத்திற்கு வருடத்திற்கு 10 பில்லியன் நட்டம் ஏற்பட்டுள்ளதாக அமைச்சர் பந்துல குணவர்தன தெரிவித்தார்.
மேலும் இலங்கையின் வரலாற்றில் முதல் தடவையாக ரயில்வே திணைக்களம் இப்போது மாதம் 1 பில்லியனுக்கும் அதிகமான வருமானத்தை எதிர்பார்ப்பதாக தெரிவித்த அமைச்சர்,ஆனால், எரிபொருளின் விலையை மட்டுமே அதிலிருந்து எடுக்க முடியும் என்றார்.
மாவிட்டபுரம், யாழ். அத்தியடி, உரும்பிராய், திருகோணமலை, Milton, Canada
21 Sep, 2025
வறுத்தலைவிளான், யாழ்ப்பாணம், கோண்டாவில், கொழும்பு, அநுராதபுரம்
25 Sep, 2022
