சந்திர கிரகணத்தால் வாழ்வில் மாற்றங்களை காணப்போகும் ராசிகள்

 2024-ம் ஆண்டிற்கான இரண்டாவது மற்றும் கடைசி சந்திர கிரகணமானது இம்மாதம் 18-ம் திகதி நிகழவுள்ளது. ஜோதிடர்களின் கூற்றுப்படி, இந்த கிரகணம் காலை 6.12 மணி முதல் 10.17 மணி வரை என 4 மணி நேரம் 5 நிமிடங்கள் நீடிக்கும். வேத சாஸ்திரங்களின் படி இந்த நேரத்தில் எந்த நல்ல காரியங்களும் செய்யப்படுவதில்லை.

முக்கியமாக இந்த சந்திர கிரகணத்தால் குறிப்பிட்ட சில ராசிக்காரர்களுக்கு பல நன்மைகளும் வாழ்வில் நிம்மதியும் கிடைக்கும். அவ்வாறு பலன்பெறும் ராசிகளை பற்றி இங்கு பார்ப்போம்.

மேஷம்

இந்த நேரத்தில் மேஷ ராசியினரின் முக்கியப் பணிகளும், காரியங்களும் அவர்களது சிறிய முயற்சிலேயே முடிவடையும். வருமானத்துக்கும் ஆரோக்கியத்துக்கும் எவ்வித குறையும் இருக்காது. உயரதிகாரிகளிடம் இருந்து அங்கீகாரமும் மரியாதையும் பெறுவீர்கள். பணியில் இருப்போருக்கு பதவி உயர்வு கிடைக்கும். வியாபாரத்தில் பெரிய அளவிலான லாபம் கிடைக்கும். நினைத்த அனைத்து காரியங்களும் மேஷ ராசியினருக்கு நடக்கும் காலமாக இருக்கும்.

ரிஷபம்

நிலுவையில் உள்ள வேலைகள் அனைத்தும் முடிவடையும். உறவினர்கள் மூலம் நல்ல செய்தி வரும். தொழில், வியாபாரத்தில் ஓரளவு முன்னேற்றம் ஏற்படும். பணிபுரியும் சூழல் சாதகமாக இருக்கும். ஆரோக்கியம் நன்றாக இருக்கும். மாணவர்கள் எளிதில் வெற்றி பெறுவார்கள்.

கடகம்

இந்த நேரத்தில் நிதி பிரச்சனைகளை தீர்ப்பதில் கவனம் செலுத்துங்கள். கூடுதல் வருமான முயற்சிகளில் அதிக கவனம் செலுத்துங்கள். தொழில், வியாபாரத்தில் இருந்த சில பிரச்சனைகள் எதிர்பாராமல் தீரும். ஆன்மீக சிந்தனை அதிகரிக்கும். பால்ய நண்பர்களிடமிருந்து எதிர்பார்த்த ஆதரவு கிடைக்கும். குடும்பத்தில் சாதகமான சூழல் நிலவும். ஆரோக்கியம் மிகவும் சாதகமாக இருக்கும். தற்செயலாக நல்ல செய்தி காதில் விழும்.

கன்னி

இந்த நேரத்தில் வெளிநாட்டில் வசிக்கும் பிள்ளைகளால் எதிர்பார்த்த தகவல் கிடைக்கும். முக்கியமான காரியங்கள் குறித்த நேரத்தில் முடிவடையும். கன்னி ராசியினர் எடுத்த எந்த முயற்சியும் வெற்றியடையும். குடும்பத்தில் நல்ல முன்னேற்றங்கள் ஏற்படும். நிதி விவகாரங்கள் சுவாரஸ்யமாக இருக்கும். பணிகள் குறித்த நேரத்தில் முடிவடையும். தொழில் மற்றும் வேலைகளில் முன்னுரிமை அதிகரிக்கும்.

துலாம்

வியாபாரம் திருப்திகரமாக முன்னேறும். உடல்நலம் மற்றும் வருமானத்தில் எந்த பாதிப்பும் இல்லை. மாணவர்களுக்கு எதிர்பார்த்த முன்னேற்றம் உண்டாகும். காதல் விவகாரங்கள் மகிழ்ச்சியாக இருக்கும். திட்டமிட்ட பணிகள் திட்டமிட்டபடி முடிவடையும். நிதி பிரச்சனைகளின் மன அழுத்தம் வெகுவாக குறையும். வருமானத்தைப் பெருக்கும் முயற்சிகள் தொடரும்.

தனுசு

இந்த நேரத்தில் தொழில், வியாபாரத்தில் நஷ்டம் ஏற்பட வாய்ப்பு உள்ளது. உரிய நேரத்தில் வரவேண்டிய பணம் கிடைக்க வாய்ப்பு உண்டு. முக்கியமான பணிகள் விரைந்து முடிவடையும். உறவினர்களின் வருகையால் வீட்டில் ஒரு பண்டிகை காலம் போன்ற சூழ்நிலை உருவாகும். வேலையில்லாதவர்களுக்கு நல்ல வேலைவாய்ப்பு அமையும். தூரத்து உறவினர்கள் மூலம் நல்ல திருமண உறவு அமையும். மாணவர்கள் சிறிய முயற்சியில் விரும்பிய வெற்றியை அடைவார்கள். பணி மாறுதல் முயற்சி வெற்றி தரும்.