லங்காசிறி FM
மீட்பு – நிவாரண பணிகள் தடைப்படக் கூடாது; அதிகாரிகளுக்கு ஜனாதிபதி உத்தரவு
Sulokshi
சீரற்ற காலநிலையில் சிக்கி தவிக்கும் மக்களுக்கான மீட்பு – நிவாரண பணிகள் தடைப்படக் கூடாது என ஜனாதிபதி அனுரகுமார அதிகாரிகளுக்கு பணிப்புரை வழகியுள்ளார்.
நாட்டில் அனர்த்த நிவாரண சேவைகளுக்காக இதுவரை 1.2 பில்லியன் ரூபா ஒதுக்கப்பட்டுள்ளது. 2025 வரவுசெலவுத் திட்டத்தில் அவசரத் தேவைகளுக்காக மேலும் 30 பில்லியன் ரூபா ஒதுக்கப்பட்டுள்ளது.
மாவட்ட செயலாளர்களுக்கு அறிவுறுத்து
எனவே, பணத்தை எந்த விதத்திலும் தடையாகக் கருதாமல் மீட்பு மற்றும் நிவாரண சேவைகளை மேற்கொள்ளுமாறு ஜனாதிபதி அநுரகுமார திசாநாயக்க மாவட்ட செயலாளர்களுக்கு அறிவுறுத்தினார்.
ஜூம் தொழில்நுட்பத்தின் ஊடாக இன்று (28) காலை மாவட்ட செயலாளர்கள் மற்றும் மாவட்ட ஒருங்கிணைப்பு குழுத் தலைவர்களுடன் விசேட கலந்துரையாடலில் ஈடுபட்டபோது ஜனாதிபதி இந்த அறிவுறுத்தல்களை வழங்கினார்.
மக்களை மீட்பதற்கும் நிவாரணம் வழங்குவதற்கும் மேலும் நிதி தேவைப்பட்டால், அவற்றைக் கோருமாறும், மாவட்ட செயலாளர்கள் மற்றும் பிரதேச செயலாளர்களுக்கு தற்போது கிடைக்கும் நிதியை அவசர நிலைமைக்குப் பயன்படுத்த வேண்டும் என்றும் ஜனாதிபதி மேலும் தெரிவித்தார்.
நிதி செலவிடுவதற்கு சுற்றறிக்கைகள் தடையாக இருப்பதைத் தடுக்க உடனடியாக ஒரு புதிய சுற்றறிக்கையை வெளியிடுமாறு பொது நிர்வாக அமைச்சின் செயலாளருக்கு ஜனாதிபதி அநுரகுமார திசாநாயக்க அறிவுறுத்தினார்.
இடம்பெயர்ந்த மக்களுக்காக பராமரிக்கப்படும் முகாம்களின் நிர்வாகத்தை இராணுவத்திடம் ஒப்படைக்குமாறும் ஜனாதிபதி அறிவுறுத்தினார்.
அனர்த்தத்தில் சிக்கியுள்ள மக்களை மீட்பதற்குத் தேவையான படகுகள், ஹெலிகொப்டர்கள் மற்றும் ஏனைய உபகரணங்கள் மற்றும் வாகனங்கள் குறித்து உடனடியாக அறிவிக்குமாறு அரசாங்க அதிபர்களுக்கு ஜனாதிபதி அறிவுறுத்தினார்.
இந்த நடவடிக்கைகளை ஒருங்கிணைக்க பாதுகாப்பு தலைமையகத்தில் ஒரு தனிப் பிரிவைப் பேணவும், அவர்களைத் தொடர்பு கொள்ள பத்து விசேட தொலைபேசி எண்களை அறிமுகப்படுத்தவும் சம்பந்தப்பட்ட தரப்பினருக்கு ஜனாதிபதி அறிவித்தார்.
வெள்ளம், மண்சரிவு மற்றும் மரங்கள் விழுதல் காரணமாக சேதமடைந்துள்ள உள்கட்டமைப்பு வசதிகள் குறித்த ஆவணங்களைத் தயாரித்து பொது நிர்வாக அமைச்சிற்கு அனுப்புமாறு மாவட்ட செயலாளர்களுக்கு ஜனாதிபதி மேலும் அறிவுறுத்தினார்.
அனர்த்த நிலைமை தணிந்தவுடன், அந்த ஆவணங்களின்படி முப்படைகளைப் பயன்படுத்தி தொடர்புடைய பழுதுபார்ப்பு பணிகள் ஆரம்பிக்கப்படும் என்றும் ஜனாதிபதி மேலும் குறிப்பிட்டார்.
இந்த சந்திப்பில் ஜனாதிபதியின் செயலாளர் கலாநிதி நந்திக சனத் குமாநாயக்க, பாதுகாப்பு அமைச்சின் செயலாளர் எயார் வைஸ் மார்ஷல் சம்பத் துய்யகொந்தா, நிதி அமைச்சின் செயலாளர் கலாநிதி ஹர்ஷன சூரியப்பெரும, பொது நிர்வாகம், மாகாண சபைகள் மற்றும் உள்ளூராட்சி அமைச்சின் செயலாளர் எஸ். ஆலோக பண்டார,
பொதுமக்கள் பாதுகாப்பு மற்றும் பாராளுமன்ற விவகார அமைச்சின் செயலாளர் டீ.டபிள்யூ.ஆர்.பி. செனவிரத்ன, நீர்ப்பாசன பணிப்பாளர் நாயகம் பொறியியலாளர் அஜித் குணசேகர, வளிமண்டலவியல் திணைக்களப் பணிப்பாளர் நாயகம் அதுல கருணாநாயக்க, முப்படைகளின் தளபதிகள் மற்றும் பொலிஸ் மா அதிபர் மற்றும் சிரேஸ்ட பாதுகாப்பு அதிகாரிகள் கலந்து கொண்டனர்.
சிங்கப்பூர், Singapore, அளவெட்டி, மல்லாகம், Newbury Park, United Kingdom, Wickford, United Kingdom
28 Nov, 2024
மயிலிட்டி தெற்கு, London, United Kingdom, Edinburgh, Scotland, United Kingdom
15 Nov, 2025
புங்குடுதீவு 2ம் வட்டாரம், வட்டக்கச்சி இராமநாதபுரம், Woodbridge, Canada
22 Nov, 2025
யாழ்ப்பாணம், யாழ் அச்சுவேலி தோப்பு, Jaffna, பேர்ண், Switzerland
19 Nov, 2025