லங்காசிறி FM
மூவின மக்களையும் துயரத்தில் ஆழ்த்திய தென்னிலங்கை அரசியல்வாதியின் மரணம்
Sulokshi
முன்னாள் இராஜாங்க அமைச்சர் பாலித தெவரப்பெரும திடீரென உயிரிழந்த சம்பவம் இலங்கை வாழ் மூவின மக்களையும் துயரத்தில் ஆழ்த்தியுள்ளது.
மத்துகமவில் உள்ள அவரது இல்லத்தில் இரண்டு மின் சுற்றுகளை இணைக்கச் சென்ற போது மின்சாரம் தாக்கி நாகொட வைத்தியசாலையில் அனுமதிக்கப்பட்ட பின்னர் உயிரிழந்துள்ளதாக வைத்தியசாலை தகவல்கள் கூறுகின்றன.
யார் இந்த பாலித தெவரப்பெரும?
1960 ஆம் ஆண்டு பிறந்த பாலித்த தெவரப்பெரும, ஐக்கிய தேசியக் கட்சியின் முன்னாள் உறுப்பினரும், வனவிலங்கு இராஜாங்க அமைச்சரும் ஆவார். அவரது மகன் ஆகஸ்ட் 2015 இல் டெங்கு நோயால் இறந்தார், அதன் பின்னர் அவர் கடுமையான மன அழுத்தத்திற்கு ஆளானார்.
2016ஆம் ஆண்டு பாராளுமன்றத்தில் மைத்ரிரிபால சிறிசேன , சில மாற்றங்களை கொண்டு வந்து மகிந்த ராஜபக்சவை பிரதமராக்கிய போது, உள்நாட்டில் ஏற்பட்ட மோதலால் ஒரு வார காலம் பாராளுமன்றம் இடைநிறுத்தப்பட்டது.
நவம்பர் 15, 2018 அன்று, நாடாளுமன்ற அமளியின் போது, பாலித தெவரப்பெரும கையில் ஒரு கத்தியை பயன்படுத்த முயன்றதான குற்றச்சாட்டுக்கு ஆளானார். எனினும் பின்னர் அது கத்தியல்ல , கடிதங்களை திறக்கும் ஒரு பொருள் என தெரியவந்தது.
மனிதாபிமானம் நிறைந்த மனிதர்
ஜூலை 2016 இல், 9 குழந்தைகளை அரசுப் பள்ளியில் சேர்க்க மறுத்த போது , அந்த அதிகாரிகளை கட்டாயப்படுத்தி குழந்தைகளை சேர்க்குமாறு உண்ணாவிரதப் போராட்டத்தில் இறங்கினார் பாலித தெவரப்பெரும .
அப்படியும் அதிகாரிகள் 9 குழந்தைகளையும் அரசுப் பள்ளியில் சேர்க்காத நிலையில், அவர் அரசுப் பள்ளியில் தூக்கிட்டு தற்கொலைக்கு முயன்று, மருத்துவமனையில் அனுமதிக்கப்பட்ட போது அவருக்கு பைபாஸ் அறுவை சிகிச்சை செய்யப்பட்டது. இச்சம்பவத்தின் பின்னரே மாணவர்கள் பாடசாலையின் தரம் 1 இல் அனுமதிக்கப்பட்டனர்.
வடக்கு மக்கள் மனதிலும் இடம்பிடித்தார்
அதேசமயம் 2020 கோவிட்-19 தொற்றுநோய் பரவிய காலத்தில் , கோவிட் தொற்று காரணமாக மூடப்பட்ட அட்டலுகம கிராமத்தின் மக்களுக்கு நேரடியாக சென்று உணவுப் பொருட்களை விநியோகித்தார்.
இனக்கலவரங்கள் ஏற்படும் போது இனவாதிகளிடமிருந்து காப்பாற்ற களம் இறங்கிய ஒருவராக பாலித தெவரப்பெரும திகழ்கிறார்.
அதேசமயம் வடக்கில் வெள்ளம் ஏற்பட்ட போது பாலித தெவரப்பெரும அங்கு சென்று உதவிகளை செய்து மக்கள் மனதில் இடம்பிடித்தார்.
ஒரு அரசியல்வாதி என்பதை தாண்டி , மனிதநேயத்தோடு மக்கள் மனதை ஈர்த்தவராக பாலித தெவரப்பெரும இருந்து வந்த நிலையில் இன்று வரது மறைவு மூவின மக்களையும் கலங்கடித்துள்ளது..
தெல்லிப்பழை, கொழும்பு, London, United Kingdom
13 Sep, 2022
நயினாதீவு 3ம் வட்டாரம், பருத்தித்துறை, அல்வாய் வடக்கு, சூரிச், Switzerland
10 Sep, 2021
மலேசியா, Malaysia, யாழ்ப்பாணம், Markham, Canada, Brampton, Canada
06 Sep, 2025
இளவாலை, Brisbane, Australia, Harrow, United Kingdom
06 Sep, 2025
புங்குடுதீவு 10ம் வட்டாரம், சென்னை, India, Toronto, Canada
09 Sep, 2023
