லங்காசிறி FM
கேரளாவை உலுக்கிய மண்சரிவு; இதுவரை 50 பேர் உயிரிழப்பு... மேலும் அதிகரிக்கலாம் என அச்சம்
Sulokshi
இந்தியாவின் கேரளாவில் இடம்பெற்ற மண்சரிவில் சிக்கி உயிரிழந்தவர்களின் எண்ணிக்கை 50 ஆக அதிகரித்துள்ளதாக தெரிவிக்கப்படும் நிலையில் உயிரிழப்பு மேலும் அதிகரிக்கலாம் என அச்சம் வெளியிடப்பட்டுள்ளது.
கேரளாவில் கடந்த சில நாட்களாக கன மழை பெய்து வருகின்ற நிலையில் நேற்று இரவு பெய்த கன மழையின் காரணமாக அங்கு நிலச்சரிவு ஏற்பட்டுள்ளது.
ஆயிரக்கணக்கான மக்கள் இடம்பெயர்வு
இன்று அதிகாலை 2 மணியளவில் சூரல்மலை பகுதியில் பாரிய நிலச்சரிவு ஏற்பட்டதை தொடர்ந்து 4.30 மணிக்கு மற்றொரு நிலச்சரிவு ஏற்பட்டுள்ளது.
அடுத்தடுத்த நேர்ந்த நிலச்சரிவினால் வெள்ளேரிமலை, மேப்பாடி, வைத்திரி உள்ளிட்ட பகுதிகளில் கடுமையான பாதிப்பு ஏற்பட்டுள்ளதுடன் , பாலமொன்றும் வெள்ளத்தில் அடித்துச் செல்லப்பட்டுள்ளது.
இதன் காரணமாக ஆயிரக்கணக்கான மக்கள் பாதிக்கப்பட்டுள்ளதாக இந்திய ஊடகங்கள் தெரிவிக்கின்றன. இந்நிலையில் திடீரென ஏற்பட்ட இந்த பாரிய நிலச்சரிவில் சிக்கி பலியானவர்களின் எண்ணிக்கை 50 ஆக உயர்ந்துள்ளது.
மண்சரிவில் சிக்குண்டுள்ள மக்களை ஹெலிகெப்டர் மூலமாக மீட்கும் பணிகள் முன்னெடுக்கப்பட்டு வருகின்றன.
இந்நிலையில் , சிக்குண்டவர்களின் நிலைகுறித்து எந்தத் தகவலும் இல்லாததால் பலி எண்ணிக்கை அதிகரிக்கலாம் எனவும் அச்சம் வெளியிடப்பட்டுள்ளமை குறிப்பிடத்தக்கது.
வேலணை 4ம் வட்டாரம், Basel-City, Switzerland, Breitenbach, Switzerland
02 Jun, 2025
யாழ் நெடுந்தீவு கிழக்கு, Jaffna, நெடுந்தீவு, வவுனியா, Montreuil, France
31 May, 2025
