ஆசியாவின் சிறந்த மலைப்பிரதேச பட்டியலில் இடம்பிடித்த நுவரெலியா!

2026 ஆம் ஆண்டுக்காக ஆசியாவின் சிறந்த மலைப்பிரதேச சுற்றுலாத் தலங்களின்" பட்டியலில் நுவரெலியாவும் இடம்பிடித்துள்ளது.

உலகின் முன்னணி டிஜிட்டல் சுற்றுலா இணையத்தளமான Agoda,ஆசியாவின் சிறந்த மலைப்பிரதேச சுற்றுலாத் தலங்களில் இலங்கையின் மத்திய மலைநாட்டில் அமைந்துள்ள நுவரெலியாவையும் உள்ளடக்கியுள்ளது.

மில்லியன் கணக்கான மக்களால் பயன்படுத்தப்படும் Agoda

மில்லியன் கணக்கான மக்களால் பயன்படுத்தப்படும் Agoda இணையத்தளம், உலகின் மிகப்பெரிய சுற்றுலாச் சேவை வழங்கும் தளங்களில் ஒன்றாகும்.

Agoda இணையத்தளம் இணையத்தளம் நுவரெலியாவை 'சின்ன இங்கிலாந்து' (Little England) என வர்ணித்துள்ளது.

இதமான காலநிலையைக் கொண்ட நுவரெலியா, உயர்தர தேயிலை உற்பத்திக்கு சர்வதேச ரீதியில் பெரும் புகழ்பெற்றதாகும்.

அங்குள்ள பசுமையான தேயிலைத் தோட்டங்கள் மற்றும் காலனித்துவ காலக்கட்ட கட்டிடங்களுக்கு மத்தியில் பயணம் செய்வது, சுற்றுலாப் பயணிகளுக்கு மிகவும் சுவாரஸ்யமான மற்றும் பொழுதுபோக்கு நிறைந்த அனுபவத்தைத் தரும் என Agoda சுட்டிக்காட்டியுள்ளது.

Agoda-வின் இந்த மலைப்பிரதேச சுற்றுலாத் தலங்களின் பட்டியலில் நுவரெலியாவுடன் பின்வரும் இடங்களும் இடம்பிடித்துள்ளன.

இந்தியாவின் சிம்லா மற்றும் மூணாறு மலைப்பகுதிகள்.

மலேசியாவின் கெமரன் ஹைலண்ட்ஸ் (Cameron Highlands).

வியட்நாமின் சபா (Sapa) மலைப்பகுதி

பிரான்ஸ் காலனித்துவ தாக்கத்தைக் கொண்ட தலாட் (Dalat).

இந்தோனேசியாவின் பண்டுங் (Bandung) பிரதேசம்.

பூட்டானின் திம்பு (Thimphu) நகரம்.

அதேவேளை தற்போது 39 மொழிகளில் சேவையாற்றும் Agoda இணையத்தளம் ஊடாக, 6 மில்லியனுக்கும் அதிகமான ஹோட்டல்கள் மற்றும் தங்குமிடங்கள் பட்டியலிடப்பட்டுள்ளமை குறிப்பிடத்தக்கது