ரஞ்சன் ராமநாயக்கவை பார்வையிட தடை

ranjan angunukolapelassa

By Krishna Mar 12, 2021 05:56 PM GMT

Krishna

Report

அங்குணுகொலபெலஸ்ஸ சிறைச்சாலையில் உள்ள பாராளுமன்ற உறுப்பினர் ரஞ்சன் ராமநாயக்கவை எதிர்வரும் இரு வாரங்கள் வரை பார்வையிடுவதற்கான அனுமதி நீக்கப்பட்டுள்ளதாக சிறைச்சாலைகள் ஊடகப்பேச்சாளர் சந்தன ஏக்கநாயக்க தெரிவித்தார்.

நீதிமன்றத்தை அவமதித்தாக சிறை தண்டனை விதிக்கப்பட்டு , அங்குணகொலபெலஸ்ஸ சிறைச்சாலையில் தடுத்து வைக்கப்பட்டுள்ள ரஞ்சன் ராமநாயக்கவை எதிர்வரும் இரு வாரங்களுக்கு உறவினர்கள் பார்வையிடுவதற்கான அனுமதி நிறுத்தப்பட்டுள்ளது.

ஐக்கிய மக்கள் சக்தியின் பாராளுமன்ற உறுப்பினர் ஹர்ஷன ராஜகருணா அண்மையில் சிறைசென்று , ரஞ்சன் ரமநாயக்கைவை பார்வையிடதுடன் , அவருடன் இணைந்து 'செல்பி ' எடுத்து அதனை சமூகவலைத்தலங்களிலும் வெளியிட்டிருந்தார்.

இந்நிலையில் சிறைச்சாலையின் சட்டவிதிகளுக்கமைய இது குற்றச் செயற்பாடு என்பதினால் அது தொடர்பான விசாரணைகள் ஆரம்பிக்கப்பட்டிருந்தன.

இதனையடுத்து சிறைச்சாலை கட்டளைச் சட்டத்தில் 72 ஆவது சரத்துக்கமைய , இன்று சிறையில் ஒழுக்காற்று பிரிவில் ரஞ்சன் ராமநாயக்க முன்னிலைப்படுத்தப்பட்டார்.

இதன்போது சிறைச்சாலை அத்தியட்கரின் முன்னிலையில் முன்னிலைப்படுத்தப்பட்ட ரஞ்சன் ராமநாயக்கவுக்கு எதிராக குற்றப்பத்திரிகையும் தாக்கல் செய்யப்பட்டது.

இந்த விசாரணைகளின் போது ரஞ்சன் ராமநாயக்க தனது தவறை ஏற்றுக் கொண்டுள்ளார். இந்நிலையில் விசாரணைகளை நடத்திய அத்தியட்டகர் ரஞ்சன் ராமநாயக்வை எதிர்வரும் இரு வாரங்களுக்கு உறவினர்களை சந்திக்க தடைவிதித்துள்ளார்.