அமைச்சர்களுக்கு இனி கொழும்பில் வீடுகள் கிடையாது ; ஜனதிபதி அனுர அதிரடி!

வரும் நவம்பர் 14ஆம் திகதிக்கு பின்னர் அமையும் அரசாங்கத்தில் எந்தவொரு அமைச்சருக்கும் கொழும்பில் வீடுகள் வழங்கப்பட மாட்டாது என ஜனாதிபதி அனுரகுமார திஸாநாயக்க தெரிவித்துள்ளார்.

தேசிய மக்கள் சக்தியின் ஏற்பாட்டில் இடம்பெற்ற மக்கள் சந்திப்பில் கலந்து கொண்டு உரையாற்றும் போதே ஜனாதிபதி மேற்கண்டவாறு தெரிவித்தார். இதன்போது அவர் மேலும் கூறுகையில்,

உள்ளூரில் பல பிரச்சனைகள் உள்ளன

“நவம்பர் 14க்குப் பிறகு இருபத்தைந்துக்கும் குறைவான அமைச்சரவை அமைக்கப்படும் என்றும், அமைச்சர்களுக்கு வழங்கப்படும் சலுகைகள் பெரிய அளவில் குறைக்கப்படும்.

வீசா இன்றி நாட்டில் தங்கிருப்போர் தொடர்பில் அதிரடி தீர்மானம்

அமைச்சர் ஒரு பொது ஊழியராக மாற்றப்படுகிறார். அமைச்சரவை ஒவ்வொரு விடயத்திலும் அனுபவமும் புரிதலும் கொண்ட குழுவைக் கொண்டிருக்கும்.

அதன் பின்னர், நாடாளுமன்றத்திற்கு நியமிக்கப்படும் ஏனைய எம்.பி.க்கள் தாமாக முன்வந்து அந்த அமைச்சுக்களுக்கு தமது பங்களிப்பை வழங்கக்கூடிய பொறிமுறையை உருவாக்கி வருகின்றோம்.

இந்த 14 பேருக்குப் பிறகு, இந்த நாட்டைக் கட்டியெழுப்புவதற்கு ஒவ்வொரு பாராளுமன்ற உறுப்பினரும் ஒரு இணைப்பாக மாறும் அமைச்சரவையும் அரசாங்கமும் அமைக்கப்படும்.

உள்ளூரில் பல பிரச்சனைகள் உள்ளன. கிராமத்தில் நிலவும் பிரச்னையை யார் கவனிப்பது?, இந்த பகுதியில் வெள்ள அபாயம் இருப்பது உள்ளாட்சி கவுன்சிலர்களுக்கு தெரியும்.

கடவுச்சீட்டு தொடர்பிலான அறிவித்தல்

அவர்களிடம் தீர்வுகள் உள்ளன. ஒரு மாவட்ட மக்களின் அன்றாடப் பிரச்சினைகளுக்குத் தீர்வு காணும் வகையில் மக்களுடன் நெருக்கமாக இருக்கும் மக்கள் தலைவர்கள் உருவாக்கப்பப்பட வேண்டும்.

கொழும்பில் தெரிவு செய்யப்பட்ட தலைவர்கள் எமக்கு தேவையில்லை. எனவே எந்த அமைச்சருக்கும் கொழும்பில் வீடுகள் வழங்கப்படாது எனவும் அவர் கூறினார். அத்துடன் அமைச்சர்களுக்கு அரசு வீட்டுமனை கிடையாது.

அவர்கள் அவரவர் பகுதிகளில் இருக்க வேண்டும். கிராமத்தில் உள்ள பிரச்னைகளை பார்க்க வேண்டும். மக்களை ஒன்றிணைக்க வேண்டும். நாட்டின் வளர்ச்சித் திட்டங்களை மக்களுடன் இணைந்து செயல்படுத்தப்பட வேண்டும் என்றும் ஜனாதிபதி அனுர கூறினார்.

அதற்கு ஏற்ற அரசை உருவாக்கி வருகிறோம். இலங்கையில் இவ்வாறான அரசாங்கங்கள் உருவாகவில்லை.

இலங்கையின் அபிவிருத்தியில் அனைவரும் அங்கம் வகிக்க வேண்டும் என தெரிவித்த ஜனாதிபதி அனுரகுமார திஸாநாயக்க , அதற்கு 14ம் திகதி வலுவான அதிகாரத்தை வழங்குமாறு கேட்டுக்கொள்கிறோம் எனவும் கூறினார்.