அவசரமாக தரையிறக்கப்பட்ட ஸ்ரீலங்கன் விமானம் ; வௌியான காரணம்

SriLankan Airlines Bandaranaike International Airport Melbourne

By Sulokshi Nov 02, 2026 02:30 PM GMT

Sulokshi

Report

அவுஸ்திரேலியாவின் மெல்போர்னிலிருந்து கட்டுநாயக்க விமான நிலையத்திற்கு வந்த ஸ்ரீலங்கன் எயார்லைன்ஸ் விமானமொன்றில் திடீரென புகைப்படர்ந்தமையினால் நேற்று இரவு (01) அவசரமாகத் தரையிறக்கப்பட்டது.

விமானத்தைக் கட்டுநாயக்க விமான நிலையத்தில் தரையிறக்குவதற்கான நடவடிக்கைகள் எடுக்கப்பட்டதாக ஸ்ரீலங்கன் எயார்லைன்ஸ் நிறுவனத் தகவல் தொடர்புத் தலைவர் தீபால் பெரேரா தெரிவித்தார்.

அவசரமாக தரையிறக்கப்பட்ட ஸ்ரீலங்கன் விமானம் ; வௌியான காரணம் | Melbourne Colombo Lankan Flight Landing Emergency

புகைமூட்டம் - விமானி அவசர நிலை

ஸ்ரீலங்கன் எயார்லைன்ஸ் UL-605 ரக விமானம் அவுஸ்திரேலியாவின் மெல்போர்னிலிருந்து நேற்று இரவு 10.38 மணிக்குக் கட்டுநாயக்க விமான நிலையத்திற்கு வந்தடைந்தது.

விமானம் கட்டுநாயக்க விமான நிலையத்தில் தரையிறங்குவதற்கு 15 நிமிடங்களுக்கு முன்பு, விமானி அவசர நிலை குறித்துக் கட்டுநாயக்க விமான நிலைய செயல்பாட்டு அறைக்குத் தகவல் தெரிவித்திருந்தார்.

மேலும், அவசரமாகத் தரையிறக்குவதற்காக விமான நிலையத்தைச் சுற்றியுள்ள தீயணைப்பு வாகனங்கள், மருத்துவர்கள், செவிலியர்கள், மீட்புப் பணியாளர்கள், ஆம்புலன்ஸ்கள் மற்றும் மருத்துவமனைகளைத் தயார் செய்வதற்கான நடவடிக்கைகள் எடுக்கப்பட்டிருந்தன.

இருப்பினும், விமானி எந்தவித அசம்பாவிதமும் இன்றி விமானத்தைக் கட்டுநாயக்க விமான நிலையத்தில் வெற்றிகரமாகத் தரையிறக்கினார். அந்த ஏ-330 ஏர்பஸ் ரக அகல உடல் விமானத்தில் 258 பயணிகளும் 15 விமானப் பணியாளர்களும் பயணம் செய்தனர்.

விமானம் தரையிறக்கப்பட்ட பின்னர் மேற்கொள்ளப்பட்ட விரிவான பரிசோதனைகளில், சரக்குக் கிடங்கில் வைக்கப்பட்டிருந்த இறைச்சித் தொகைக்கு இடப்பட்டிருந்த நைதரசன் உலர் பனிக்கட்டி (Dry Ice) காரணமாகவே இந்த புகைமூட்டம் உருவாகியுள்ளமை கண்டறியப்பட்டது.

இதனைத் தொடர்ந்து விமானத்தில் மேலதிக சோதனைகள் நடத்தப்பட்ட பின்னர், அந்த விமானம் இன்று காலை (02) கட்டுநாயக்க விமான நிலையத்திலிருந்து மற்றொரு இடத்திற்குப் புறப்பட்டுச் சென்றதாக தீபால் பெரேரா தெரிவித்தார்.