லங்காசிறி FM
திருமணத்திற்கு வற்புறுத்திய காதலியை 50 துண்டுகளாக வெட்டிய காதலன்; பொலிஸார் அதிர்ச்சி
திருமணத்திற்கு வற்புறுத்திய காதலியான இளம்பெண்ணை வாலிபர் ஒருவர் 50 துண்டுகளாக வெட்டி கொலை செய்த சம்பவம் இந்தியாவின் ஜார்க்கண்டில் பெரும் அதிர்ச்சியை ஏற்படுத்தி உள்ளது.
சம்பவம் தொடர்பில் மேலும் தெரியவருகையில், ஜார்க்கண்ட் குந்தி மாவட்டத்தின் ஜோர்டாக் கிராமத்தை சேர்ந்தவர் நரேஷ் பெங்ரா (வயது25).
இவர் 2 ஆண்டுகளாக தமிழ்நாட்டில் ஒரு கசாப்பு கடையில் வேலை பார்த்து வந்த நிலையில் கடந்த சில மாதங்களுக்கு முன்பு ஜார்க்கண்ட் திரும்பி உள்ளார்.
தமிழ்நாட்டில் ஒரு கசாப்பு கடையில் வேலை
திருமணமான குறித்த இளைஞர் தனது திருமணத்தை மறைத்து, அப்பகுதியை சேர்ந்த 24 வயதுடைய ஒரு பெண்ணுடன் தொடர்பில் இருந்துள்ளார்.
இந்நிலையில் கடந்த 8 ஆம் திகதி தன்னை திருமணம் செய்து கொள்ளுமாறு இளைஞனிடன் , பெண் வற்புறுத்தியதாக கூறப்படுகிறது.
இதனால் ஆத்திரம் அடைந்த அவர், பெண்ணை காட்டுப்பகுதிக்கு அழைத்து சென்று கழுத்தை நெரித்தபோது மயங்கி விழுந்துள்ளார்.
பின்னர் பெண்ணை பாலியல் துஸ்பிரயோகம் செய்த நரேஷ் பெங்ங்ரா, கூர்மையான ஆயுதத்தால் தாக்கி கொலை செய்து பெண்ணின் உடலை 40 முதல் 50 துண்டுகளாக வெட்டி விட்டு காட்டில் விலங்குகளுக்கு வீசி சென்றுள்ளார்.
திருமணம் செய்யாமல் லிவ்-இன் உறவு
காட்டுப் பகுதியில் பெண்ணின் உடல் துண்டுகளை நாய்கள் கடித்ததை பார்த்து அதிர்ச்சியடைந்த கிராம மக்கள் பொலிசாருக்கு தகவல் தெரிவித்துள்ளனர். அதன் அடிப்படையில் போலீசார் அங்கு விரைந்து சென்று பெண்ணின் உடல் துண்டு துண்டாக கிடந்ததை சேகரித்து விசாரணை நடத்தினர்.
சம்பவ இடத்தில் ஆதார் அட்டை உள்ளிட்ட பொருட்கள் அடங்கிய பை ஒன்றை கைப்பற்றிய பொலிஸார் நடத்திய விசாரணையில் உயிரிழந்த பெண் அடையாளம் காணப்பட்டார்.
தொடர்ந்து பெண்ணின் தாயாரை வரவழைத்து விசாரணை மேற்கொண்டபோது , உயிரிழந்த பெண் நரேஷ் பெங்ராவுடன் திருமணம் செய்யாமல் லிவ்-இன் உறவில் இருந்ததும், சம்பவத்தன்று நரேஷ் பெங்ராவுடன் குடித்தனம் நடத்த போவதாக கூறி சென்றதும் தெரியவந்தது.
இதையடுத்து நரேஷ் பெங்ராவை கைது செய்து பொலிஸார் நடத்திய விசாரணையில், நடந்த சம்பவம் வெளிச்சத்துக்கு வந்து அதிர்ச்சியை ஏற்படுத்தியுள்ளது.
யாழ்ப்பாணம், வவுனியா, கனடா, Canada, Montreal, Canada
31 Aug, 2015
