லங்காசிறி FM
ஆசையாக வீட்டிற்கு சிக்கன் பப்ஸ் வாங்கிச் சென்றவருக்கு நடந்த அதிர்ச்சி சம்பவம்!
தமிழகத்தில் உள்ள நீலகிரி பகுதியில் பாஸ்ட் புட் கடையில் நபரொருவர் வாங்கிய சிக்கன் பப்சில் பல்லி இருந்த சம்பவம் பெரும் அதிர்ச்சி ஏற்படுத்தியுள்ளது.
இச்சம்பவத்தை அடுத்து குறித்த பாஸ்ட் புட் கடைக்கு உணவு பாதுகாப்பு துறை அதிகாரிகள் சீல் வைத்துள்ளனர்.
சம்பவம் தொடர்பில் மேலும் தெரியவருவதாவது,
விஜயகுமார் என்பவர் அரசுப் பேருந்து ஓட்டுநராக பணியாற்றி வருகின்றனர். இவர் நேறறிரவு (21-11-2023) பாய்ஸ் கம்பெனி பகுதியில் உள்ள பாஸ்ட் புட் கடையில், 4 சிக்கன் பப்ஸ் வாங்கியுள்ளார்.
பின்னர் வீட்டிற்கு சென்று தனது மனைவி, மகன் உட்பட 3 பேரும் இந்த பப்ஸ்களை சாப்பிட்டுள்ளனர்.
இதனையடுத்து 4வது பப்சை இவரின் மகன் எடுத்து பாதி சாப்பிட்டிருந்த போது கொத்தமல்லி என நினைத்து அதை தனியே எடுத்துள்ளார்.
அப்போது அது இறந்த நிலையில் இருந்த பல்லி என தெரிய வந்தது.
இதனால் அதிர்ச்சியடைந்த மூவரும் உடனடியாக குன்னூர் அரசு மருத்துமனைக்கு சென்று சிகிச்சை பெற்று இன்று காலை வீடு திரும்பினர்.
இது தொடர்பாக அவர்கள் அளித்த முறைப்பாட்டின் பேரில் உணவு பாதுகாப்பு துறை அதிகாரி கடையில் ஆய்வு மேற்கொண்டு, கடைக்கு பூட்டுப் போட்டு சாவியை எடுத்துச் சென்றனர்.
மேலும் மாவட்ட ஆட்சியர் அலுவலகத்திற்கு விசாரணைக்கு வருமாறு உத்தரவிட்டனர்.
யாழ் சண்டிலிப்பாய் வடக்கு, Jaffna, நல்லூர், திருநெல்வேலி, யாழ்ப்பாணம், கனடா, Canada
02 May, 2021
வேலணை மேற்கு, யாழ்ப்பாணம், கொட்டடி, யாழ்ப்பாணம், Tooting, United Kingdom, Eastham, United Kingdom
24 Apr, 2024