லங்காசிறி FM
குஷானி ரோஹணதீர நியமனத்தை பாராட்டிய அமெரிக்க தூதுவர்
Sulokshi
இலங்கை நாடாளுமன்றத்தின் புதிய செயலாளர் நாயகமாக குஷானி ரோஹணதீர நியமிக்கப்பட்டுள்ளமை இளைஞர் யுவதிகளுக்கு உத்வேகம் அளித்துள்ளதாக அமெரிக்க தூதுவர் ஜூலி சங், தெரிவித்தார்.
குஷானி ரோஹணதீரவை சந்தித்த இலங்கைக்கான அமெரிக்க தூதுவர் ஜூலி சங் புதிய நியமனம் தொடர்பில் வாழ்த்து தெரிவித்தார்.
நாடாளுமன்ற செயலாளர் நாயகத்துக்கும்,அமெரிக்க தூதுவருக்கும் இடையிலான சந்திப்பு இன்று வெள்ளிக்கிழமை (02)நாடாளுமன்ற கட்டடத் தொகுதியில் இடம்பெற்றது.
இளைஞர் யுவதிகளுக்கு உத்வேகம்
இதன்போது நாடாளுமன்றத்துடன் தொடர்ந்து ஒத்துழைப்புடன் பணியாற்ற தாம் விரும்புவதாகவும் நாடாளுமன்றத்தை பலப்படுத்துவதற்கு எப்பொழுதும் தமது ஒத்துழைப்பை எதிர்பார்க்கலாம் எனவும் தூதுவர் குறிப்பிட்டுள்ளார்.
நாடாளுமன்றத்தின் வகிபாகம் விஸ்தரிக்கப்பட்டிருப்பதாகவும் பல்வேறு குழுக்கள் செயற்படுவதாகவும் குஷானி ரோஹணதீர சுட்டிக்காட்டினார்.
ஆட்சிமுறையில் இளைஞர்களை ஈடுபடுத்துவதற்கான பணிகள் நடைபெற்று வருவதாகவும் பாலின சமத்துவம் மற்றும் வலுப்படுத்தல் தொடர்பான சட்டமூலம் மற்றும் பெண்களுக்கான தேசிய ஆணைக்குழுவை அமைப்பதற்கான பிரேரணை என்பன சம்பந்தப்பட்ட தரப்புடன் இணைந்து தயாரிக்கப்பட்டு வருவதாகவும் குஷானி ரோஹணதீர குறிப்பிட்டுள்ளார்.
ஒருவருக்கொருவர் அனுபவங்களைப் பகிர்ந்துகொள்வதன் முக்கியத்துவம் மற்றும் சாத்தியமான ஒத்துழைப்புக்கள் குறித்தும் இச்சந்திப்பில் கலந்துரையாடப்பட்டது.
இந்நிலையில் ரோஹண தீரவின் இந்த நியமனம் பல்வேறு இளைஞர் யுவதிகளுக்கு உத்வேகம் அளிப்பதாக அமைந்துள்ளது என்றும் அமெரிக்கத் தூதுவர் ஜுலி சங் குறிப்பிட்டுள்ளார்.
கொய்யாத்தோட்டம், யாழ்ப்பாணம், வவுனியா
01 Feb, 2015
வேலணை, Ottawa, Canada, Torcy, France, Val-d'Arc, France
30 Jan, 2022
இளவாலை, யாழ்ப்பாணம், Tororo, Uganda, Cambridge, United Kingdom, London, United Kingdom
17 Jan, 2025
சுதுமலை, மருதனாமடம், வவுனியா, கொழும்பு, Harrow, United Kingdom, Coventry, United Kingdom
22 Jan, 2025
நெடுந்தீவு மேற்கு, வன்னேரிக்குளம், Moissy-Cramayel, France
16 Jan, 2025
நயினாதீவு, நெதர்லாந்து, Netherlands, பிரித்தானியா, United Kingdom
25 Jan, 2021
