வடக்கில் அரச நிர்வாகச் செயற்பாடுகளுக்குள் மூக்கை நுழைக்கும் ஜே.வி.பி; பலர் குற்றச்சாட்டு!

  வடக்கில் அரச நிர்வாகச் செயற்பாடுகளுக்குள் ஜே.வி.பி. கட்சியினரின் தலையீடுகள் அதிகரித்துள்ளதாக பரவலான குற்றச்சாட்டுகள் முன்வைக்கப்பட்டுள்ளன.

ஜேவிபி தலைவர் அநுரகுமார திஸாநாயக்க ஜனாதிபதியாகப் பதவியேற்றதன் பிற்பாடு வடக்கு மாகாணத்தின் அரச நிர்வாகச் செயற்பாடுகளில் ஜே.வி.பி. கட்சியினரின் தலையீடுகள் அதிகரித்துக் காணப்படுகின்றதாக பலர் குற்றச்சாட்டுகளை முன்வைத்து வருகின்றனர்.

 ஜனாதிபதி  என்ன நடவடிக்கை எடுக்கப் போகின்றார்  ?

குறிப்பாக வடக்கு மாகாண ஆளுநராக நா.வேதநாயகன் தனது பொறுப்புக்களை ஏற்றகையோடு வடக்கு மாகாண ஆளுநருக்கும் அரச உயர் அதிகாரிகளுக்கும் இடையிலான கலந்துரையாடலில் ஒன்று ஆளுநர் செயலகத்தில் இடம்பெற்றது.

அவதானமாயிருங்கள்; அம்பாறை மக்களுக்கு பொலிஸார் விடுத்த எச்சரிக்கை!

கூட்டத்தில் ஜே.வி.பியின் யாழ். மாவட்ட அமைப்பாளர் சந்திரசேகரம் உட்பட கட்சியின் உறுப்பினர்கள் அந்தச் சந்திப்பில் கலந்துகொண்டிருந்தமை பலத்தை சர்ச்சைகளை ஏற்படுத்தியிருந்தன.

அதன் பின்னர் யாழ்ப்பாணத்துக்கு விஜயம் மேற்கொள்ளும் ஜனாதிபதி அநுரகுமார திஸாநாயக்க யாழ். பல்கலைக்கழகத்துக்கும் விஜயம் செய்யவுள்ளார் என்ற செய்தியை ஜே.வி.பி. கட்சியினரே நேரடியாகச் சென்று பல்கலைக்கழக நிர்வாகத்திடம் தெரிவித்திருக்கின்றனர்.

நவம்பர் முதலாம் திகதி அனைத்து தமிழ் பாடசாலைகளுக்கும் விடுமுறை

இந்நிலையில் அரச பல்கலைக்கழகம் ஒன்றுக்குள் ஜனாதிபதியின் வரவை உறுதிப்படுத்த வேண்டியது ஜனாதிபதி செயலகத்தினரா? அல்லது அவர் சார்ந்த கட்சியினரா? என்ற ஒரு கேள்வியை விரிவுரையாளர் பலரும் முன்வைத்திருக்கின்றனர்.

சுரேஷ் பிரேமச்சந்திரனும்  குற்றம்

அதுமட்டுமல்லாது , பனை அபிவிருத்திச் சபையினுடைய தலைவர் தெரிவிலும் ஜே.வி.பியின் தலையீடு காணப்படுவதாக சுரேஷ் பிரேமச்சந்திரனும் தனியார் தொலைக்காட்சி ஒன்றுக்கு வழங்கிய செவ்வியில் குற்றம் சுமத்தியுள்ளார்.

பனை அபிவிருத்திச் சபையின் தலைவராக இரு வாரங்களுக்கு முன்னர் நியமிக்கப்பட்டிருந்த இ.செல்வினை மாற்றுவதற்கு ஜே.வி.பியின் யாழ். மாவட்ட அமைப்பாளர் சந்திரசேகரன் தலைமையில் முயற்சிகள் இடம்பெறுகின்றதாகவும் சுரேஷ் பிரேமச்சந்திரன் அதன்போது குறிப்பிட்டுள்ளார்.

இந்நிலையில், பனை அபிவிருத்திச் சபையின் புதிய தலைவராக வி.சகாதேவன் இன்று (30) கடமைகளைப் பொறுப்பேற்கவுள்ளார்.

நாடளாவிய ரீதியில் தபால் மூல வாக்களிப்பு ஆரம்பம்!

இந்நிலையில் ஊழலை ஒழிப்பதாகக் கூறிக்கொண்டு ஆட்சிப்பீடம் ஏறிய அநுரகுமார திஸாநாயக்க, அரச நிர்வாகத்துக்குள் கட்சி முக்கியஸ்தர்கள் தேவையில்லாமல் மூக்கை நுழைப்பது தொடர்பில் என்ன நடவடிக்கை எடுக்கப் போகின்றார் எனகேள்வி எழுப்பப்பட்டுள்ளது.