பேய் நாயுடன் விளையாடிய செல்ல நாய்: பகீர் காணொளியை வெளியிட்ட நபர்!
தனது செல்ல நாய் பேயாக வந்த ஒரு நாயுடன் விளையாடியதாக ஒருவர் கூறி சிசிரிவி காணொளியை வெளியிட்டுள்ளார். ஆனால் அதனை பலர் புரளி என மறுத்துள்ளனர்.
ஆஸ்திரேலியாவைச் சேர்ந்த ஜேக் டிமார்கோ (Jake DeMarco) என்பவர், தனது வீட்டு முன்பு தனது செல்ல நாய்க்குட்டி, பேய் நாயுடன் விளையாடியதாக கூறி தனது வீட்டில் பொருத்தப்பட்டு இருந்த சிசிரிவி காணொளியை வெளியிட்டுள்ளார்.
31 வினாடிகள் கொண்ட இந்த காணொளி யூரியூப் சேனல் ஒன்று வெளியிட்டது. இந்த காணொளி இதுவரை 7 லட்சத்திற்கும் அதிகமான முறை பார்க்கப்பட்டு உள்ளது.
குரித்த காணொளி தற்போது வைரலாகியுள்ளது. இருப்பினும், சமூக ஊடகத்தில் பேய் நாய் என்று நம்ப மறுத்து, பலர் தங்கள் எதிர் கருத்துக்களை வெளியிட்டு உள்ளனர். காணொளியில், ஜேக் டிமார்கோவின் (Jake Demarco) வீட்டின் முன் ஒளிஊடுருவக்கூடிய வெள்ளை நிறத்தில் உருவமாக வரும் ஒரு நாயை செல்லக்குட்டி நாய் துரத்துவதைக் கண்டார்.
பின்னர் அந்த பேய் நாயுடன் குட்டி நாய் விளையாடி உள்ளது. சில நிமிடங்களுக்கு பிறகு அந்த பேய் நாய் அதில் தெரியவில்லை. அந்த பகுதி, பூட்டப்பட்ட உயரமான வேலியால் பாதுகாக்கப்பட்டுள்ளது.
எனவே வேறு ஒரு நாய் அதன் மேல் குதிப்பது சாத்தியமில்லை. ஜேக் டிமார்கோ (Jake Demarco) இந்த காணொளியை வீட்டிற்குள் இருந்து பார்த்தது உடனடியாக அந்த 'பேய் நாயை' பார்க்க வெளியே ஓடி வந்ததாகவும் ஆனால் அதற்குள் அது காணாமல் போய்விட்டது எனவும் கூறி உள்ளார்.