லங்காசிறி FM
"முத்து " தொடங்கி " லியோ" வரை; ஜப்பானியர்களை ஈர்த்த தமிழ் படங்கள்! ஜெயிலர் காவாலவுக்கு நடனமாடிய ஜப்பான் தூதுவர்
Sulokshi
ஜப்பானியர்களுக்கு 1980களில் தமிழ்படங்கள் மீது ஏற்பட்ட ஆர்வம் இன்னும் குறையவில்லை. அந்தவகையில் சூப்பர் ஸ்டார் ரஜனி இன் முத்து' தொடங்கி இளஞய தளபதி விஜய் இன் 'லியோ' வரை ஜப்பான் மக்கள் மனதில் இடம்பிடித்துவிட்டனர் .
அதுமட்டுமல்லாது ஜப்பான் மக்கள் திரைப் படத்தைப் பார்ப்பதோடு நிற்காமல் படத்தில் வரும் பாடல்களுக்கு நடிகர், நடிகையைப் போல நடனமும் ஆடி, பார்ப்பவர்களை அசத்துகின்றனர்.
அந்தவகையில் ஜெயிலர் படத்தின் "காவாலா" பாடலுக்கு இந்தியாவுக்கான ஜப்பான் தூதர் ஹிரோஷி சுசுகி நடனமாடும் வீடியோ இணையதளத்தில் வைரலாகி இருந்தது.
தமிழ்ப் படங்களுக்கான வெளிநாட்டுச் சந்தைகளில் ஜப்பான் முக்கிய இடம்வகிக்கிறது என்றே கூறலாம். குறிப்பாகத் தமிழ்த் திரையுலகின் உச்ச நட்சத்திரங்களில் ஒருவரான ரஜினிகாந்த் ஜப்பானியர்கள் இடையே மிகவும் பிரபலமானவர்.
டோக்கியோவில் 23 வாரங்கள் ஓடிய 'முத்து
1995இல் அவர் நடித்த 'முத்து' திரைப்படம் ஜப்பானில் மிகப் பெரிய வெற்றிகண்டது. 1998இல் அந்தப் படம் 'Muthu Odoru Maharaja' (Muthu – The Dancing Maharaja) என்று பெயரிடப்பட்டு ஜப்பானிய மொழியில் வெளியானது.
டோக்கியோவில் 23 வாரங்கள் ஓடிய 'முத்து' திரைப்படம் 1.59 மில்லியன் டாலர் வசூலை ஈட்டி 1998இல் திரையரங்குகளில் அதிக வருமானம் ஈட்டித் தந்த படமாக உருவெடுத்தது. அதன் பின்னர் முத்து திரைப்படம் ஜப்பான் முழுவதும் திரையிடப்பட்டது.
250,000 பேர் படத்தைப் பார்த்து ரசித்தனர். எனினும் ஜப்பானியர்களின் ஆர்வம் திரைப்படத்துடன் முடியவில்லை. ரஜினிகாந்த், அவருக்கு ஜோடியாக நடித்த மீனா ஆகியோரின் படம்பதித்த கரம் மசாலா என்ற நொறுக்குத் தீனியும் ஜப்பானில் தயாரிக்கப்பட்டது.
அதற்கடுத்ததாக ஜப்பானியர்கள் மனத்தில் இடம்பிடித்தது 'எந்திரன்' திரைப்படம். ரஜினிக்காகப் படம் பார்க்க உருவான ஜப்பானிய ரசிகர்கள் தற்போது மற்ற நடிகர்களின் படங்களையும் வரவேற்கத் தொடங்கியுள்ளனர்.
புளியங்கூடல், கல்விளான், விசுவமடு, கொக்குவில், Paris, France, Basel, Switzerland
27 Jun, 2025
புங்குடுதீவு 12ம் வட்டாரம், யாழ்ப்பாணம், கொழும்பு, Chennai, India, Toronto, Canada
24 Jun, 2025
அரியாலை, கொழும்பு, Georgetown, Guyana, Edgware, United Kingdom
17 Jun, 2025
