தினம் வாழைப்பழம் சாப்பிட்டால் போதும்! எவ்வளவு நன்மைகள் கிடைக்கும் தெரியுமா?
வாழைப்பழம் சிலர் தினமும் சாப்பிடுவதற்கு ஒரே ஒரு காரணத்தை மட்டும் தான் வைத்திருப்பார்கள். ஆம், காலைக் கடன் கழிக்க மட்டுமே வாழைப்பழம் உதவுவதாய் சிலர் தவறாக நினைக்கின்றனர்.
ஆனால் உண்மையில் , வாழைப்பழத்தில் இருக்கும் வைட்டமின் பி6, மெக்னீசியம், வைட்டமின் சி போன்ற ஊட்டச்சத்துகள் நன்கு உறங்கவும், இரத்த சோகை பிரச்சனைக்கு தீர்வு காண, இரத்த அழுத்தம் குறைய மற்றும் விளையாட்டு வீரர்களுக்கு தசைக்கு வலுவளிக்க என பல வகைகளில் பயனளிக்கிறது. அதுமட்டும் அல்லாமல்,
1. வாழைப்பழத்தில் இருக்கும் நார்ச்சத்து செரிமானத்தை சீராக்க உதவுகிறது. தினமும் வாழைப்பழம் சாப்பிடுவதால் உங்கள் சரிமான மண்டலம் சரியாகும்.
2.நமது உடலுக்கு வைட்டமின் பி6 மிகவும் தேவையான ஊட்டச்சத்து. இது ஹீமோகுளோபின் மற்றும் இன்சுலின் தயாரிக்க உதவுகிறது. வாழைப்பழம் தினமும் சாப்பிடுவதால் உங்கள் உடலுக்கு இந்த சத்து நிறைய கிடைக்கிறது.
3. தினமும் மூன்று வாழைப்பழம் சாப்பிடுவதால் இரத்த அழுத்தம் குறைந்து நல்ல மாற்றம் காண முடியும் என கூறப்படுகிறது.
4.வாழைப்பழத்தில் இருக்கும் இரும்புச்சத்து இரத்த சோகையை குறைக்க உதவுகிறது. தொடர்ந்து தினமும் வாழைப்பழம் சாப்பிடுவதால் இரத்த சோகை பிரச்சனைக்கு ஓர் நல்ல தீர்வு காண முடியும்.
5. தினமும் வாழைப்பழம் சாப்பிடுவதால் அதிகப்படியான பசியை கட்டுப்படுத்த முடியும்.
6. வாழைப்பழத்தில் இருக்கும் நார்ச்சத்து இதய பாதிப்புகள் ஏற்படாமல் இருக்க உதவுகிறது.
7. சில நிபுணர்கள், வாழைப்பழம் தசைகளுக்கு வலுவளிக்கிறது என கூறுகிறார்கள். விளையாட்டில் ஈடுபடும் வீரர்கள் வாழைப்பழம் சாப்பிடுவதற்கு இது தான் காரணமாம்.
8. வாழைப்பழத்தில் இருக்கும் மெக்னீசியம் உங்கள் மனநிலையை மேலோங்க வைப்பதுடன் இரவில் நாம் நன்கு உறங்கவும் வாழைப்பழம் உதவுகிறது.