லங்காசிறி FM
வர்த்தகர் தினேஷ் ஷாப்டர் மரணம்: நீதிமன்றம் விதித்துள்ள உத்தரவு!
Shankar
பிரபல தொழிலதிபர் தினேஷ் ஷாப்டரின் மரணத்திற்கான காரணத்தைக் கண்டறிய 5 பேர் அடங்கிய மருத்துவக் குழுவின் உறுப்பினர்கள் வெளிப்படைத் தன்மையுடன் நியமிக்கப்படுவார்கள் என எதிர்பார்ப்பதாக கொழும்பு மேலதிக நீதவான் ராஜீந்திர ஜயசூரிய தெரிவித்தார்.
இன்றைய தினம் (22-02-2023) திறந்த நீதிமன்றத்தில் அவர் இதனை தெரிவித்துள்ளார்.
இச்சம்பவம் தொடர்பிலான நீதவான் விசாரணை இன்று நீதிமன்றில் முன்னிலைப்படுத்தப்பட்ட போது முன்வைக்கப்பட்ட உண்மைகளை கருத்திற்கொண்டபோதே நீதவான் இவ்வாறு தெரிவித்தார்.
இந்த முறைப்பாடு அழைக்கப்பட்டபோது, நீதிமன்றத்தின் முந்தைய உத்தரவின்படி, பல்கலைக்கழக மானியங்கள் ஆணைக்குழு மற்றும் சுகாதார சேவைகள் பணிப்பாளர் நாயகம் ஆகியோர் தடயவியல் மற்றும் தடயவியல் நிபுணர்கள் அடங்கிய பெயர் பட்டியலை நீதிமன்றத்திற்கு அனுப்பி வைத்துள்ளனர்.
5 பேர் கொண்ட நிபுணர் குழுவின் உறுப்பினர்களை ஆராய்ந்து வெளிப்படைத் தன்மையுடன் நியமிப்பதாக மாஜிஸ்திரேட் கூறினார்.
தனது அண்மைய உத்தரவின் பிரகாரம், கொழும்பு தேசிய வைத்தியசாலையில் அனுமதிக்கப்பட்ட தினேஷ் ஷாப்டருக்கு வழங்கப்பட்ட சிகிச்சைகள் தொடர்பில் இதுவரையில் அறிக்கைகள் கிடைக்கப்பெறவில்லை எனவும் அவர் இங்கு மேலும் குறிப்பிட்டுள்ளார்.
அதன் பிரகாரம், அந்த அறிக்கைகளை சமர்ப்பிக்க நடவடிக்கை எடுக்குமாறு கொழும்பு தேசிய வைத்தியசாலையின் பணிப்பாளரிடம் நினைவுபடுத்தினார்.
முள்ளியான், துன்னாலை, வல்வெட்டி, துணுக்காய், கொழும்பு, வவுனியா
20 Sep, 2015
கொக்குவில், Muscat, Oman, தாவடி, கொழும்பு, Melbourne, Australia
12 Sep, 2025
