லங்காசிறி FM
மட்டக்களப்பிலும் தினசரி 4 மணிநேர நீர் வெட்டு!
மட்டக்களப்பில் நீர் விநியோகத்தை ஒரு நாளைக்கு 4 மணித்தியாலங்களுக்குக் கட்டுப்படுத்த வேண்டிய நிலை ஏற்பட்டுள்ளதாகத் தேசிய நீர் வழங்கல் மற்றும் வடிகாலமைப்புச் சபை தெரிவித்துள்ளது.
உன்னிச்சைக் குளத்தின் நீர்மட்டம் குறைந்துள்ளதால், தினசரி முற்பகல் 11.00 மணி முதல் பிற்பகல் 3.00 மணி வரை நீர் விநியோகம் இடைநிறுத்தப்படுவதாக அதன் தலைவர் ஏ.எம்.பி.சி.டி.பண்டார தெரிவித்தார். இது தொடர்பில் அவர் மேலும் கூறுகையில்,
வறட்சியான வானிலை
இருப்பினும், நாடு முழுவதும் தேசிய நீர் வழங்கல் மற்றும் வடிகாலமைப்புச் சபைக்குச் சொந்தமான நீர் சுத்திகரிப்பு நிலையங்கள் வழமை போல் இயங்கி வருகின்றது.
இலங்கையில் ஒரு நாளைக்கு சுமார் 28 லட்சம் கன மீற்றர் நீர் உற்பத்தி செய்யப்படுவதுடன், அதில் 23 முதல் 24 சதவீதமான நீர் பாரிய நீர்த்தேக்கங்களிலிருந்து பெறப்படுகின்றது.
மேலும் 65 சதவீதமான நீர் ஆறுகள் மற்றும் ஓடைகள் போன்ற நீர் ஆதாரங்களிலிருந்து பெறப்படுவதாகவும், அதில் சுமார் 6 லட்சம் கன மீற்றர் நீர் களனி கங்கையிலிருந்து பெறப்படுவதாகவும் அவர் கூறினார்.
நாடு முழுவதும் பெறப்படும் நீரில் சுமார் மூன்றில் ஒரு பங்கு களனி கங்கையிலிருந்தே பெறப்படுகின்றது. இதனிடையே, வறட்சியான வானிலையினால் மட்டக்களப்பு மற்றும் மொனராகலை மாவட்டங்களுக்கு மட்டுமே ஓரளவு பாதிப்பு ஏற்பட்டுள்ளதாகத் தலைவர் குறிப்பிட்டார்.
மொனராகலை மாவட்டத்தின் பிபிலை மற்றும் மெதகம ஆகிய பகுதிகளில் நீர் ஆதாரங்களில் நீர் பற்றாக்குறை நிலவுவதால், நீர் விநியோகத்தைக் கட்டுப்படுத்தி வழங்க நடவடிக்கை எடுக்கப்பட்டு வருவதாகவும் தேசிய நீர் வழங்கல் மற்றும் வடிகாலமைப்புச் சபை கூறியுள்ளது.
நல்லூர் கந்தசுவாமி திருவிழா 2026 | Day 15
புங்குடுதீவு 8ம் வட்டாரம், Büren an der Aare, Switzerland
29 Aug, 2026
புங்குடுதீவு 6ம் வட்டாரம், புங்குடுதீவு, கிளிநொச்சி, கொழும்பு, Crawley, United Kingdom
15 Aug, 2026
யாழ்ப்பாணம், வவுனியா, கனடா, Canada, Montreal, Canada
31 Aug, 2015
