லங்காசிறி FM
SLS முத்திரை இல்லாத மீன் ரின்: ரூ. 110,000 அபராதம்
SLS சான்றிதழ் முத்திரை இல்லாத மீன் டப்பாக்களை விற்பனைக்கு வைத்திருந்த கொழும்பு பல்பொருள் அங்காடி மற்றும் தயாரிப்பு நிறுவனத்திற்கு ரூ. 110,000 அபராதம் விதிக்கப்பட்டுள்ளது.
தரச்சான்றிதழ் முத்திரை இல்லாத மீன் டப்பாக்களை விற்பனைக்கு வைத்திருந்தமை மற்றும் விநியோகித்தமை தொடர்பான வழக்கில், பல்பொருள் அங்காடி உரிமையாளர் மற்றும் பதிவு செய்யப்பட்ட மீன் தயாரிப்பு நிறுவனம் உட்பட ஐந்து பிரதிவாதிகளுக்கு மாளிகாகந்த நீதவான் நீதிமன்றம் மொத்தம் 110,000 ரூபாய் அபராதம் விதித்துத் தீர்ப்பளித்துள்ளது.
நுகர்வோர் விவகார அதிகார சபை (CAA) வெளியிட்டுள்ள தகவலின்படி, இந்த வழக்கில் குற்றவாளிகளாகக் காணப்பட்ட பல்பொருள் அங்காடி உரிமையாளர் மற்றும் அதன் இரு அதிகாரிகளுக்கு மொத்தம் 90,000 ரூபாயும், சம்பந்தப்பட்ட மீன் தயாரிப்பு நிறுவனம் மற்றும் அதன் முகாமைத்துவ பணிப்பாளருக்கு 20,000 ரூபாயும் அபராதமாக விதிக்கப்பட்டுள்ளன.
சோதனையும் கைப்பற்றப்பட்ட பொருட்களும்
கடந்த 2026 ஆகஸ்ட் 11 ஆம் திகதி, கொழும்பிலுள்ள குறித்த பல்பொருள் அங்காடியில் நுகர்வோர் விவகார அதிகார சபையின் அதிகாரிகள் திடீர் சோதனையொன்றை முன்னெடுத்தனர்.
இதன்போது, சட்டப்படி கட்டாயமாக்கப்பட்டுள்ள 'SLS 591' சான்றிதழ் முத்திரை இல்லாத, தலா 185 கிராம் எடையுள்ள 87 மீன் டப்பாக்கள் அதிகாரிகளால் கைப்பற்றப்பட்டன.
கைப்பற்றப்பட்ட தொகுப்பில் சூரியகாந்தி எண்ணெய் கலந்த 64 மீன் டப்பாக்களும், ஆலிவ் எண்ணெய் கலந்த 23 மீன் டப்பாக்களும் அடங்கியிருந்தன.
அதிகாரிகள் மேற்கொண்ட மேலதிக விசாரணைகளில், கைப்பற்றப்பட்டவற்றில் 32 மீன் டப்பாக்கள் நுகர்வோருக்கு விற்பனை செய்வதற்காகக் காட்சிப்படுத்தப்பட்டிருந்ததும், எஞ்சிய 55 டப்பாக்கள் களஞ்சியசாலையில் பதுக்கி வைக்கப்பட்டிருந்ததும் தெரியவந்தது.
உரிய தரச்சான்றிதழ் முத்திரை இல்லாத உணவுப் பொருட்களைத் தயாரித்தமை, விநியோகித்தமை, களஞ்சியப்படுத்தியமை மற்றும் விற்பனைக்கு வைத்தமை ஆகிய குற்றச்சாட்டுகளின் கீழ் நுகர்வோர் விவகார அதிகார சபையினால் மாளிகாகந்த நீதவான் நீதிமன்றத்தில் வழக்குத் தாக்கல் செய்யப்பட்டது.
வழக்கை விசாரித்த நீதவான், ஐந்து பிரதிவாதிகளுக்கும் மேற்படி அபராதத் தொகையை விதித்து உத்தரவிட்டார்.
புங்குடுதீவு 7ம் வட்டாரம், இராமநாதபுரம், Villetaneuse, France
27 Oct, 2025
புங்குடுதீவு 3ம் வட்டாரம், கொட்டாஞ்சேனை, Vaughan Ontario, Canada
03 Oct, 2026
யாழ்ப்பாணம், Cinnamon Gardens, Colombo, Wimbledon, United Kingdom
06 Nov, 2026
கோண்டாவில் மேற்கு, Greven, Germany, Münster, Germany, Nordwalde, Germany, High Wycombe, United Kingdom
29 Oct, 2026
இமையானன் கிழக்கு உடுப்பிட்டி, சுவிஸ், Switzerland, London East Ham, United Kingdom
14 Oct, 2026
