கனடாவில் தமிழ் இனப்படுகொலை நினைவுத்தூபி ஏன்? நாமல் ராஜபக்க்ஷ கண்டனம்

Sri Lankan Tamils Namal Rajapaksa Sri Lanka Final War Canada

By Sulokshi May 14, 2025 05:03 AM GMT

Sulokshi

Report

கனடாவில் தமிழ் இனப்படுகொலை நினைவுச் சின்னம் திறக்கப்பட்டமைக்கு எதிராக ஸ்ரீலங்கா பொதுஜன பெரமுனவின் பாராளுமன்ற உறுப்பினர் நாமல் ராஜபக்ஷ கண்டனம் வெளியிட்டுள்ளார்.

இந்த விடயம் தொடர்பில் இலங்கைக்கான கனேடிய உயர்ஸ்தானிகரை அழைத்து இதற்கான எதிர்ப்பை அரசாங்கம் வெளியிட வேண்டும் எனவும் அவர் தமது எக்ஸ் பக்கத்தில் வலியுறுத்தியுள்ளார்.

கனடாவில் தமிழ் இனப்படுகொலை நினைவுத்தூபி ஏன்? நாமல் ராஜபக்க்ஷ கண்டனம் | Canada Tamil Genocide Memorial Namal Condemns

எந்த இனப்படுகொலையும் நிரூபிக்கப்படவில்லை

கனடாவில் நினைவுச் சின்னம் திறக்கப்பட்டதன் பின்னணியில் உள்ள அரசியல் நோக்கங்கள் குறித்தும் தாம் கவலையடைவதாக நாமல் தெரிவித்துள்ளார்.

உள்நாட்டுப் போரின் இறுதிக் கட்டங்களில் இலங்கையின் இராணுவ நடவடிக்கைகள் தொடர்பாக எந்த இனப்படுகொலையும் நிரூபிக்கப்படவில்லை எனச் சுட்டிக்காட்டியுள்ள அவர், தவறான இனப்படுகொலை கதையை கனடா ஊக்குவிப்பதாகவும் கூறியுள்ளார்.

Tamil Genocide Monument in Brampton

அ மைதி மற்றும் ஒற்றுமையை நோக்கிச் செயல்படுவதற்குப் பதிலாக, சில குழுக்கள் தங்கள் சொந்த நலன்களுக்காகப் பிரிவினையைத் தூண்டி விட்டன.

பயங்கரவாதத்துடன் தொடர்புடைய குழுக்களை ஆதரிக்கும் கனடாவின் வரலாறு, உலகளாவிய பயங்கரவாதம் குறித்த அதன் நிலைப்பாடு குறித்து கடுமையான கேள்விகளை எழுப்புகிறதாகவும் நாமல் ராஜபக்ஷ தெரிவித்துள்ளார்.

Tamil Genocide Monument in Brampton

தமிழின அழிப்பு நினைவகம்

தமிழின அழிப்பால் உயிரிழந்தவர்கள், மற்றும் பாதிக்கப்பட்டவர்களின் நினைவாக உருவாக்கப்பட்ட தமிழின அழிப்பு நினைவுத்தூபி, கனடா பிரம்டன் நகரிலுள்ள சிங்காவுசி பூங்காவில் கடந்த 11 ஆம் திகதி உத்தியோகபூர்வமாக திறந்துவைக்கப்பட்டது.

Tamil Genocide Monument in Brampton

தமிழின அழிப்பு நினைவகம் என்ற பெயரில் அமைந்துள்ள இந்த நினைவுத்தூபியை பிரம்டன் மேயர் பட்ரிக் பிரவுண் திரைச்சீலை நீக்கி உத்தியோகபூர்வமாக திறந்து வைத்தார்.

அதேவேளை முள்ளிவாய்க்கால் அழிப்பை நினைவுக்கூரும் மே மாதம் 18ஆம் நாளைத் தமிழின அழிப்பை நினைவு கூரும் நாளாக கனேடிய அரசாங்கம் அறிவித்துள்ளமையும் குறிப்பிடத்தக்கது.