லங்காசிறி FM
பயங்கரவாதத் தடைச் சட்டத்தின் கீழ் கைதானவர் விடுதலை
Sulokshi
இலங்கை ஜனாதிபதி அனுர அரசாங்கத்தின் கீழ் 90 நாட்கள் பயங்கரவாத தடைச்சட்டத்தின் கீழ் தடுத்துவைக்கப்பட்டிருந்த சுவேந்திர ராஜன் இன்று விடுதலை செய்யப்பட்டுள்ளார்.
புதிய அரசாங்கத்தின் கீழ் 90 நாட்கள் தடுப்புக் காவலில் வைக்கப்பட்டிருந்து மாத்தளை நீதிவான் நீதிமன்றத்தால் இன்று (22) விடுவிக்கப்பட்ட தமிழ் அரசியல் கைதி சுப்பிரமணியம் சுவேந்திர ராஜனை கண்டி மக்கள் மன்ற உறுப்பினர்கள்இன்று சந்தித்தனர்.
15 ஆண்டுகளாக பயங்கரவாதத் தடைச் சட்டத்தின் கீழ் சட்டவிரோதமாகத் தடுத்து வைக்கப்பட்டிருந்த சுவேந்திர ராஜன் கடந்த ஆண்டின் தொடக்கத்தில் விடுதலை செய்யப்பட்டார்.
ஆனால் அறுகம்குடா சம்பவத்தைத் தொடர்ந்து 2024 ஒக்டோபரில் மீண்டும் பயங்கரவாதத் தடைச் சட்டத்தின் கீழ் அவர் கைது செய்யப்பட்டார். இந்நிலையில் அவர் மீண்டும் விடுதலை செய்யப்பட்டுள்ளார்.
எனினும் மாதத்தின் ஒவ்வொரு கடைசி ஞாயிற்றுக்கிழமையும் காவல் நிலையத்தில் கையெழுத்திடுமாறு கூறப்பட்டுள்ளதாகவும் தெரிவிக்கப்பட்டுள்ளது.
