கணவன், மனைவிக்கு உயிர் அச்சுறுத்தல் விடுத்த இராணுவ மேஜர்! வெளியான அதிர்ச்சி பின்னணி

Sri Lanka Army Sri Lanka Police Batticaloa Crime

By Shankar May 10, 2024 01:29 AM GMT

Shankar

Report

மட்டக்களப்பில் நபர் ஒருவரிடம் 3 இலட்சம் ரூபா கப்பமாக தருமாறும் கோரி இல்லாவிடில் போதை பொருள் வைத்து மனைவியையும் தன்னையும் தூக்கி சென்று இல்லாமல் செய்ய போவதாக கல்முனை இராணுவ முகாமைச் சேர்ந்த இராணுவ மேஜர் ஒருவர் அச்சுறுத்தி மிரட்டிவருவதாக பாதிக்கப்பட்டவர் முறைப்பாடு செய்துள்ளதாக மட்டு. தலைமையக பொலிஸார் தெரிவித்தனர்.

இச் சம்பவம் தொடர்பில் மேலும் தெரியவருவதாவது,

கணவன், மனைவிக்கு உயிர் அச்சுறுத்தல் விடுத்த இராணுவ மேஜர்! வெளியான அதிர்ச்சி பின்னணி | Army Major Threatened Husband And Wife Batticaloa

மட்டக்களப்பைச் சேர்ந்த நபர் வெளிநாட்டுக்கு அனுப்பும் இடைத்தரகராக கல்முனையைச் சேர்ந்த ஒருவரிடம் 5 இலட்சம் 70,000 ரூபாவையும் அதனுடன் 5 பேரிடம் பணத்தை வாங்கி அதனை வெளிநாட்டு வேலைவாய்ப்பு முகவர் ஒருவருக்கு வழங்கியுள்ளார்.

இந்த நிலையில் குறித்த வெளிநாட்டு வேலைவாய்ப்பு முகவர் ஏமாற்றி வந்த நிலையில் அவருக்கு எதிராக இடைத்தரகர் கல்முனையைச் சேர்ந்த நபரின் சாட்சியுடன் மாவட்ட விசேட குற்றப் புலனாய்வு பிரிவிடம் முறைப்பாடு செய்ததையடுத்து அந்த வேலைவாய்ப்பு முகவரை கைது செய்து நீதிமன்றத்தில் ஆஜர்படுத்தி விளக்கமறியலில் வைக்கப்பட்டு வழக்கு தொடர்ந்தும் இடம்பெற்று வருகின்றது.

இந்த பின்னணியில் கல்முனை இராணுவ முகாம் மேஜர் இடைத்தரகரிடம் கையடக்க தொலைபேசி ஊடாக தொடர்பு கொண்டு கல்முனையில் உள்ள நபரிடம் வாங்கிய பணத்தை தன்னிடம் தருமாறும் 3 இலட்சம் ரூபாவை தனது வங்கி கணக்கிற்கு போடுமாறு கப்பம் கோரியுள்ளார்.

மேலும், பணம் தர மறுத்தால் போதை பொருள் வீட்டில் வைத்து மனைவியையும் உன்னையும் தூக்கி கொண்டு சென்று இல்லாமல் செய்வேன், 4 ஆம் மாடிக்கு அனுப்புவேன் என அச்சுறுத்தல் விடுத்துள்ளர்.

இதனையடுத்து, குறித்த இராணுவ மேஜர் அனுப்பிய வங்கி கணக்கிற்கு இடைத்தரகர் 30 ஆயிரம் ரூபாவை கப்பமாக அனுப்பியுள்ளார்.

இதேவேளை, தொடர்ந்து இராணுவ மேஜர் கையடக்க தொலைபேசி ஊடாக அச்சுறுத்தல் விடுத்து கப்பம் கோரி வருவதாகவும் எனக்கும் எனது மனைவிக்கும் உயிர் ஆபத்து ஏற்பட்டுள்ளதாக பாதிக்கப்பட்டவர் முறைப்பாட்டில் தெரிவித்துள்ளதாகவும் குறித்த இராணுவ அதிகாரியை பொலிஸ் நிலையத்துக்கு விசாரணைக்கு வருமாறு அழைப்பு விடுத்துள்ளதாக பொலிஸார் தெரிவித்தனர்.

மேலும், பாதிக்கப்பட்டவர் மட்டக்களப்பு மனித உரிமை ஆணைக்குழுவிடம் இராணுவ மேஜருக்கு எதிராக கடந்த 07-05-2024ஆம் திகதி முறைப்பாடு ஒன்றை செய்துள்ளமை குறிப்பிடத்தக்கது.