லங்காசிறி FM
புத்தளம் - கொழும்பு வீதியில் பயங்கர விபத்து சம்பவம்: ஒருவருக்கு நேர்ந்த சோகம்!
Shankar
புத்தளம் - கொழும்பு வீதியின் தில்லையடி பகுதியில் இடம்பெற்ற விபத்தில் ஒருவர் உயிரிழந்துள்ளார்.
இந்த விபத்து சம்பவம் இன்றைய தினம் (29-06-2023) காலை இடம்பெற்றுள்ளது.
விபத்து சம்பவம் தொடர்பில் மேலும் தெரியவருவதாவது,
பாலாவி பகுதியில் இருந்து புத்தளம் நோக்கிச் சென்ற மோட்டார் சைக்கிள் வேகக்கட்டுப்பாட்டை இழந்து திரும்ப முற்பட்ட துவிச்சக்கர வண்டியில் மோதியதில் குறித்த விபத்து இடம்பெற்றுள்ளது.
இதன்போது விபத்துக்குள்ளான துவிச்சக்கர வண்டி சாரதியையும் மோட்டார் சைக்கிளில் பயணித்தவரையும் அங்கிருந்தவர்கள் உடனடியாக வைத்தியசாலைக்கு கொண்டு சென்றுள்ளனர்.
இதன்போது துவிச்சக்கர வண்டி சாரதி சிகிச்சைப் பலனின்றி உயிரிழந்துள்ளார்.
மோட்டார் சைக்கிளின் சாரதி பலத்த காயங்களுக்கு உள்ளாகிய நிலையில் புத்தளம் ஆதார வைத்தியசாலையில் அனுமதிக்கப்பட்டுள்ளார்.
உயிரிழந்தவரின் சடலம் புத்தளம் ஆதார வைத்தியசாலையின் பிரேத அரையில் வைக்கப்பட்டுள்ளதாக பொலிஸார் தெரிவித்தனர்.
இவ்வாறு உயிரிழந்தவர் புத்தளம் நிந்தனி பகுதியைச் சேர்ந்த 48 வயதுடையவர் என பொலிஸார் தெரிவித்தனர்.
சம்பவம் தொடர்பில் விசாரணைகளை மேற்கொண்டு வருவதாக புத்தளம் பொலிஸார் தெரிவித்தனர்.
தர்மகேணி, கிளிநொச்சி முரசுமோட்டை 3ம் யூனிற், Jaffna, கம்பஹா வத்தளை, நல்லூர்
21 Nov, 2022
