லங்காசிறி FM
மாதாந்தம் 25 இலட்சம் ரூபா சம்பளம் வாங்கும் மத்திய வங்கி ஆளுநர்?
மத்திய வங்கியின் தற்போதைய ஆளுநர் மாதாந்தம் 25 இலட்சம் ரூபா சம்பளம் பெறுவதுடன், அதற்கு மேலதிகமாக சர்வதேச நாணய நிதியத்தில் ஓய்வூதியம் பெறுவதாகவும் பல அரசியல்வாதிகள் கடந்த காலங்களில் பல சந்தர்ப்பங்களில் கூறியிருந்தமை சர்ச்சையை ஏற்படுத்தியிருந்தது.
இது விடயம் தொடர்பில் பதிலளித்த இலங்கை மத்திய வங்கியின் ஆளுநர் கலாநிதி நந்தலால் வீரசிங்க, தம்மீது சுமத்தப்பட்டுள்ள குற்றச்சாட்டுக்கள் அனைத்தும் பொய்யானவை என இன்று(24) இடம்பெற்ற ஊடகவியலாளர் சந்திப்பில் வலியுறுத்தியுள்ளார். இதன்போது அவர் மேலும் கூறுகையில்,
முற்றிலும் பொய்
முதலில் எனது சம்பளம் குறித்து வெளியான தகவல் அது முற்றிலும் பொய் என்று சொல்ல நான் பொறுப்பு. நாட்டின் பொறுப்புள்ள அரசியல்வாதிகள் இவ்வாறான பொய்யான அறிக்கையை வெளியிடும் போது, எல்லா இடங்களிலும் அதனை உண்மையென அறிவிப்பது மிகவும் வருத்தமளிக்கிறது.
முதல் விஷயம் என்னவென்றால், நான் IMF-ல் இருந்து எந்த ஓய்வூதியமும் பெறவில்லை. ஆனால் அது பொறுப்புடன் சொல்லப்படுகிறது.
ஏதோ ஒரு வகையில் நாட்டைப் பிரதிநிதித்துவப்படுத்துவதற்காக நான் சர்வதேச நாணய நிதியம் மற்றும் எமது மத்திய வங்கிக்குச் சென்றேன்.
அதோடு எல்லோரும் வாங்கிய சம்பளத்தை நான் பெற்றுள்ளேன். ஆனால் எனக்கு ஓய்வூதியம் கிடைக்கவில்லை என்பதை தெளிவுபடுத்துகிறேன் எனவும் மத்திய வங்கியின் ஆளுநர் கலாநிதி நந்தலால் வீரசிங்க தெரிவித்தார்.
மலேசியா, Malaysia, தெல்லிப்பழை, Wembley, United Kingdom
09 Oct, 2026
புங்குடுதீவு 3ம் வட்டாரம், London, United Kingdom
13 Oct, 2024
