மான், மறை கொம்புகளுடன் சிக்கிய பாடசாலை உயர்தர மாணவன் உட்பட நால்வர்!

Sri Lanka Police Puttalam

By Shankar Jan 15, 2025 04:00 PM GMT

Shankar

Report

புத்தளத்தில் மான், மறை கொம்புகள் மற்றும் தடைசெய்யப்பட்ட சங்கு வகைகளை விற்பனை செய்ய முயற்சித்த உயர்தர பாடசாலை மாணவன் உட்பட 4 பேர் கைது செய்யப்பட்டுள்ளனர்.

குறித்த சந்தேக நபர்களை அலவ்வ பகுதியில் வைத்து நேற்றையதினம் அதிகாரிகள் கைது செய்துள்ளனர்.

மான், மறை கொம்புகளுடன் சிக்கிய பாடசாலை உயர்தர மாணவன் உட்பட நால்வர்! | 4 Arrested With Deer And Hidden Horns Puttalam

விமானப்படை புலனாய்வு பிரிவு அதிகாரிகளுக்கு கிடைத்த இரகசிய தகவலையடுத்து புத்தளம் - கருவலகஸ்வெவ மற்றும் குருநாகல் வனவிலங்கு அதிகாரிகளினால் முன்னெடுக்கப்பட்ட கூட்டு நடவடிக்கையின் போதே சந்தேக நபர்கள் கைது செய்யப்பட்டுள்ளனர்.

கைதான சந்தேக நபர்கள் உடவலவ, கேகாலை, தெனாலேகம மற்றும் கட்டுநாயக்க ஆகிய பகுதிகளைச் சேர்ந்தவர்கள் எனத் தெரிவிக்கப்படுகிறது.

கைது செய்யப்பட்ட சந்தேக நபர்களில் உயர் தரத்தில் கல்வி பயிலும் மாணவன் ஒருவனும் இருப்பதாக விசாரணையில் தெரியவந்துள்ளது.

கைது நடவடிக்கையின் போது, 9 அடுக்கு மான் கொம்பு, ஒரு அடுக்கு ஒற்றை மான் கொம்பு, மறை கொம்பு, எருமை கொம்பு மற்றும் விற்பனை செய்வதற்கு தடைசெய்யப்பட்ட ம king conch seashell சங்குகள், சந்தேக நபர்கள் பாவித்த கைத்தொலைபேசிகள், சந்தேக நபர்கள் பயணிப்பதற்கு பயன்படுத்திய சொகுசு கார் என்பன கைப்பற்றப்பட்டுள்ளதாக வனஜீவராசிகள் திணைக்கள அதிகாரிகள் தெரிவித்துள்ளனர்.