லங்காசிறி FM
2023ம் ஆண்டுக்கான வரவுசெலவு திட்டம் தோற்கடிப்பு; ஈ.பி.டி.பி வெளிநடப்பு!
Sulokshi
யாழ்.மாநகரசபையின் 2023ம் ஆண்டுக்கான வரவு செலவுத் திட்டம் 7 மேலதிக வாக்குகளால் தோற்கடிக்கப்பட்டது. . முதல்வர் வி.மணிவண்ணனால் இன்று காலை 2023ம் ஆண்டுக்கான வரவு செலவுத் திட்டம் சமர்பிக்கப்பட்டிருந்தது.
இதன்போது வரவு செலவு திட்டத்திற்கு ஆதரவாக 11 வாக்குகளும் எதிராக 18 வாக்குகளும் பதிவாகின.
45 உறுப்பினர்கள்
45 உறுப்பினர்கள் அங்கம் வகிக்கும் யாழ்.மாநகர சபையில் இலங்கை தமிழரசுக் கட்சியின் சார்பில் 16 உறுப்பினர்களும் அகில இலங்கை தமிழ் காங்கிரஸின் சார்பில் 13 உறுப்பினர்களும் ஈழ மக்கள் ஜனநாயக கட்சியின் சார்பில் 10 உறுப்பினர்களும் ஐக்கிய தேசியக் கட்சி சார்பில் 3 உறுப்பினர்களும், ஸ்ரீலங்கா சுதந்திரக் கட்சி சார்பில் 2 உறுப்பினர்களும் மற்றும் தமிழர் விடுதலைக் கூட்டணி சார்பில் ஒரு உறுப்பினரும் அங்கம் வகிக்கின்றனர்.
அதேவேளை ஈழ மக்கள் ஜனநாயக கட்சி வெளிநடப்பு செய்ததுடன் வாக்கெடுப்பு இடம்பெற்றபோது பங்கேற்கவில்லை என்பது குறிப்பிடத்தக்கது.
வறுத்தலைவிளான், யாழ்ப்பாணம், கோண்டாவில், கொழும்பு, அநுராதபுரம்
25 Sep, 2022
