யாழில் ஊடக பணியாளரை தாக்கிவிட்டு தலைமறைவான இருவருக்கு நேர்ந்த கதி!

Sri Lanka Police Jaffna Crime

By Shankar Oct 14, 2024 04:50 PM GMT

Shankar

Report

யாழ்ப்பாண பகுதியில் ஊடக பணியாளர் மீது தாக்குதல் மேற்கொண்ட இருவரை பொலிஸார் கைது செய்துள்ளதாக தெரிவித்துள்ளனர்.

குறித்த தாக்குதல் சம்பவம் யாழ்ப்பாண நகரின் மத்தியில், கஸ்தூரியார் வீதியில் கடந்த 11-10-2024 ஆம் திகதி இடம்பெற்றுள்ளது.

யாழில் ஊடக பணியாளரை தாக்கிவிட்டு தலைமறைவான இருவருக்கு நேர்ந்த கதி! | 2 Persons Arrested Attack Media Worker Jaffna

சம்பவம் தொடர்பில் மேலும் தெரியவருவதாவது,

யாழ்ப்பாணத்தில் இயங்கிவரும் தொலைக்காட்சி ஒன்றில் தொழிநுட்பவியலாளராக பணியாற்றும் விபூஷண் என்பவர் மீதே தாக்குதல் நடத்தப்பட்டுள்ளது.

குறித்த நபர் வீதியில் மோட்டார் சைக்கிளில் பயணித்துக் கொண்டிருந்த போது, பின்னால் பிறிதொரு மோட்டார் சைக்கிளில் வந்த நபர்கள் அவரை வழி மறித்து, ஏன் தாங்கள் முந்தி செல்வதற்கு வழி விடவில்லை என கேட்டு, தலைக்கவசத்தால் மிக மோசமாக தாக்கி விட்டு அங்கிருந்து தப்பி சென்றுள்ளனர்.

தாக்குதல் தொடர்பிலான வீடியோ காட்சிகள் கடை ஒன்றில் பொருத்தப்பட்டிருந்த சிசிரிவி கமராக்களில் பதிவாகியுள்ளது.

இதனடிப்படையில் பொலிஸார் தாக்குதலாளிகளை இனம் கொண்டுள்ள நிலையில் அவர்களை கைது செய்வதற்கு நடவடிக்கை எடுத்திருந்தனர்.

இந்த நிலையில் அவர்கள் இருவரும் தலைமறைவாகி இருந்த நிலையில், இன்றைய தினம் (14) யாழ்ப்பாண பொலிஸார் இருவரையும் கைது செய்துள்ளனர்.

ஓட்டுமடம் மற்றும் தாவடி பகுதியை சேர்ந்த இருவரே கைது செய்யப்பட்டுள்ள நிலையில் அவர்களிடம் மேலதிக விசாரணைகளை முன்னெடுத்து உள்ளதாகவும் பொலிஸார் தெரிவித்தனர்.