இராஜினாமா செய்ய தயாராகும் தவெக 107 சட்டமன்ற உறுப்பினர்கள்; இந்திய ஊடகங்கள் தகவல்

   விஜய் தலமையிலான தவெக ஆட்சியமைப்பதி இழுபறி நிலை தொடரும் நிலையில், திமுக அல்லது அதிமுக ஆகிய இரு கட்சிகளில் ஏதேனும் ஒன்று ஆட்சி அமைக்க முயன்றால், 107 சட்டமன்ற உறுப்பினர்களும் மொத்தமாக இராஜினாமா செய்வார்கள் என விஜய்யின் தமிழக வெற்றி கழகம் கூறியுள்ளதாக இந்திய ஊடகங்கள்  தகவல்கள் வெளியிட்டுளன.

234 உறுப்பினர்களைக் கொண்ட சட்டமன்றத்தில் 108 இடங்களுடன் தமிழக வெற்றி கழகம் தனிப்பெரும் கட்சியாக உருவெடுத்த போதிலும், அரசு அமைப்பது குறித்த பேச்சுவார்த்தைகள் முடங்கியுள்ள நிலையில், விஜய்யின் தரப்பில்  பதற்றம் அதிகரித்து வருவதை இந்த நடவடிக்கை காட்டுகிறது.

118 இடங்கள் இன்னும் கிடைக்கவில்லை

காங்கிரஸ் மற்றும் அதன் ஐந்து சட்டமன்ற உறுப்பினர்களின் ஆதரவுடன், தமிழக வெற்றி கழகத்திற்குத் தேவையான 118 இடங்கள் இன்னும் கிடைக்கவில்லை. இதனால், சிறிய கட்சிகளும் சுயேச்சைகளும் இறுதி முடிவில் முக்கியப் பங்கு வகிக்கின்றனர்.

தமிழக வெற்றி கழகம் ஆட்சிக்கு வருவதைத் தடுப்பதற்காக, திமுக மற்றும் அதிமுக இடையே மறைமுகத் தொடர்புகள் இருந்ததாக வெளியான செய்திகளால் அரசியல் நிச்சயமற்ற நிலை மேலும் ஆழமடைந்துள்ளது.

அரசியல் சூழ்ச்சிகள் ; விஜய்யின் உயிருக்கு ஆபத்து!

தமிழக வெற்றி கழகத்திற்கு ஆதரவளிக்கும் காங்கிரஸின் முடிவு, எதிர்க்கட்சிகளின் ஒற்றுமையையும் பாதித்துள்ளது. இதன் காரணமாக, தமிழகத்தில் ‘இந்தியா’ கூட்டணி திறம்பட சரிந்துவிட்டது என்று திமுக அறிவித்துள்ளது.

ஸ்ரீலங்கன் எயார்லைன்ஸ் கபில சந்திரசேன சடலமாக மீட்பு ; இலங்கையில் பரபரப்பு

இதற்கிடையில், 47 இடங்களில் வெற்றி பெற்ற அதிமுக மீதும் அனைவரின் கவனமும் உள்ளது. இந்நிலையில் தவெக 107 சட்டமன்ற உறுப்பினர்களும் இராஜினாமா செய்யவுள்ளதாக இந்திய தகவல்கள் தெரிவிக்கின்றன.

தமிழகத்தில் ஜனாதிபதி ஆட்சிக்கு வழிவகுக்கும்

அதிமுக - திமுக கூட்டணி ஆட்சியை பிடிக்க முயலும்போது தவெகவின் 108 பேரும் இராஜினாமா செய்தால் அது இருகட்சிகளுக்கும் அவப்பெயரை ஏற்படுத்தும் வாய்ப்புள்ளது. இதனால் அவர்கள் ஆட்சி அமைக்கும் முயற்சியை கைவிடலாம்.

இதன்மூலம் ஆட்சியை பிடிக்க யாரும் இல்லாத நிலை வரும். அப்போது ஆளுநர், ஜனாதிபதி ஆட்சிக்கு பரிந்துரை செய்யலாம். அரசியல் சாசனத்தின் 356-வது பிரிவின் கீழ் ஆளுநர் பரிந்துரையில் தமிழகத்தில் ஜனாதிபதி ஆட்சியை அமுலுக்கு கொண்டு வர வாய்ப்புள்ளது.

ஜனாதிபதி ஆட்சி வந்தால் சட்டசபை தற்காலிகமாக முடக்கப்படும் என்பது குறிப்பிடத்தக்கது.