லங்காசிறி FM
அபராதம் செலுத்த முடியாமல் சிறையில் 1,500 கைதிகள்
நீதிமன்றங்களால் விதிக்கப்பட்ட அபராதத் தொகையைச் செலுத்த முடியாத காரணத்தினால், நாடளாவிய ரீதியில் உள்ள சிறைகளில் 1,454 தண்டனை பெற்ற கைதிகள் தொடர்ந்து தடுத்து வைக்கப்பட்டுள்ளதாக நீதி மற்றும் தேசிய ஒருங்கிணைப்பு அமைச்சர் ஹர்ஷன நாணயக்கார இன்று (21) பாராளுமன்றத்தில் தெரிவித்துள்ளார்.
அபராதத் தொகையைச் செலுத்தத் தவறியதால் சிறையில் அடைக்கப்பட்டுள்ள கைதிகளின் எண்ணிக்கை மற்றும் அவர்களை விடுவிப்பதற்காக முன்னெடுக்கப்பட்டுள்ள நடவடிக்கைகள் தொடர்பில் பாராளுமன்ற உறுப்பினர் ரோஹித்த அபேகுணவர்தன எழுப்பிய கேள்விக்குப் பதிலளிக்கும்போதே அமைச்சர் இந்தத் தகவல்களை வெளியிட்டார்.
அமைச்சர் சமர்ப்பித்த புள்ளிவிவரம்
அமைச்சர் சமர்ப்பித்த புள்ளிவிவரங்களின்படி, 421 கைதிகள் 10,000 முதல் 15,000 ரூபாய் வரையிலான அபராதத் தொகையையும், 220 கைதிகள் 15,000 முதல் 25,000 ரூபாய் வரையிலான தொகையையும் செலுத்த முடியாத நிலையில் உள்ளனர். 361 கைதிகள் 25,000 முதல் 50,000 ரூபாய் வரையிலான அபராதத் தொகையையும், 245 கைதிகள் 50,000 முதல் 100,000 ரூபாய் வரையிலான தொகையையும் செலுத்த முடியாமல் சிறையில் உள்ளனர்.
அதேவேளை, 100,000 ரூபாய்க்கும் அதிகமான அபராதத் தொகையைச் செலுத்த முடியாத காரணத்தினால் 207 கைதிகள் தொடர்ந்து சிறைவாசம் அனுபவித்து வருகின்றனர்.
தற்போது நாட்டின் சிறைகளில் 10,611 தண்டனை பெற்ற கைதிகளும், 28,408 விளக்கமறியல் கைதிகளும் உள்ளதாகவும் அமைச்சர் சபையில் குறிப்பிட்டார்.
அபராதத் தொகையைச் செலுத்த முடியாத காரணத்தினால் மட்டும் சிறையில் உள்ள கைதிகளை விடுவிப்பதற்கான பொறிமுறை ஏதேனும் அரசாங்கத்தால் அறிமுகப்படுத்தப்பட்டுள்ளதா என பாராளுமன்ற உறுப்பினர் ரோஹித்த அபேகுணவர்தன இதன்போது வினவினார்.
அதற்குப் பதிலளித்த அமைச்சர் ஹர்ஷன நாணயக்கார, சில கைதிகளுக்கான அபராதத் தொகையை அவர்களுக்குப் பதிலாகச் செலுத்தி, அவர்களை விடுவிப்பதற்கான நடவடிக்கைகளைப் பல்வேறு அமைப்புகளும் நிறுவனங்களும் ஏற்கனவே முன்னெடுத்து வருவதாகத் தெரிவித்தார்.
சட்டரீதியான தேவைகள் பூர்த்தி செய்யப்படும் பட்சத்தில், தகுதியுடைய கைதிகளுக்காக அரச அல்லது அரச சார்பற்ற அமைப்புகள் அபராதத் தொகையைச் செலுத்தி அவர்களை விடுவிப்பதற்கு சிறைச்சாலைகள் திணைக்களம் எவ்வித தடையும் விதிப்பதில்லை என்றும் அவர் மேலும் தெரிவித்தார்.
திருநெல்வேலி, யாழ்ப்பாணம், Idar- Oberstein, Germany, Coventry, United Kingdom
18 Oct, 2026
சுண்டிக்குளி, கொய்யாத்தோட்டம், யாழ்ப்பாணம், கொழும்பு, இத்தாலி, Italy, சுவிஸ், Switzerland
12 Nov, 2021
பருத்தித்துறை, மன்னார், Chavakacheri, புலோலி, Lewisham, United Kingdom
03 Oct, 2026
வல்வெட்டித்துறை, Chennai, India, London, United Kingdom
20 Oct, 2016
அராலி மேற்கு வட்டுகோட்டை, வேலணை 5ம் வட்டாரம், புத்தளம், Bergisch Gladbach, Germany
21 Oct, 2025
புங்குடுதீவு 2ம் வட்டாரம், புங்குடுதீவு 12ம் வட்டாரம், Markham, Canada
17 Oct, 2024