இன்று  (15) காலை 8.00 மணியளவில் இடம்பெற்ற இவ்விபத்தில், திகிலிவெட்டை, நாகதம்பிரான் வீதியைச் சேர்ந்த 52 வயதுடையவரே இவ்வாறு உயிரிழந்துள்ளார்.

மேலதிக விசாரணை

குறித்த நபர் இன்று காலை கிரானிலிருந்து தொப்பிக்கலை நோக்கி மோட்டார் சைக்கிளில் பயணித்துக்கொண்டிருந்த போது, பிரதேச செயலகத்திற்கு அருகிலுள்ள வீதி வளைவுப் பகுதியில் தொப்பிக்கலையிலிருந்து கிரான் நோக்கி வந்த இராணுவ ட்ரக் வண்டியுடன் நேருக்கு நேர் மோதி இவ்விபத்துச் சம்பவித்துள்ளது.

இதில் பலத்த காயமடைந்த மோட்டார் சைக்கிள் செலுத்துநர் சம்பவ இடத்திலேயே உயிரிழந்துள்ளார்.

உயிரிழந்தவரின் சடலம் பிரேத பரிசோதனைக்காக வாழைச்சேனை ஆதார வைத்தியசாலையில் ஒப்படைக்கப்பட்டுள்ளதுடன், விபத்துடன் தொடர்புடைய இராணுவ ட்ரக் வண்டியின் சாரதி பொலிஸாரால் கைது செய்யப்பட்டுள்ளார்.

சம்பவம் தொடர்பான மேலதிக விசாரணைகளில் வாழைச்சேனை பொலிஸார் ஈடுபட்டு வருகின்றனர்.

குறித்த பிரதேசத்தில் கடந்த சில வாரங்களாக ஊடுருவிய குரங்குகள் பலன் தரும் மா, பலா, கொய்யா, மாதுளை போன்ற மரங்களில் உள்ள பழங்களை சாப்பிட்டு வருவதுடன், வீடுகளின் கூரை ஓடுகள் மற்றும் சீற்களை உடைத்து அட்டகாசம் புரிந்து வருவதுடன் கடந்த வெள்ளிக்கிழமை வரை கடந்த ஒரு வாரத்தில் அந்த பகுதியில் உள்ள 05 பேர் குரங்கு கடிக்கு உள்ளாகி படுகாயமடைந்த நிலையில் மட்டு. போதனா வைத்தியசாலையில் அனுமதிக்கப்பட்டுள்ளனர்.

 நடவடிக்கை

அதேவேளை, தொடர்ந்தும் மனிதர்களை அச்சுறுத்தி வருகின்றதால் பய பீதியில் பகலில் கூட வீடுகளை பூட்டி வைத்துக் கொண்டு வாழ்ந்து வருவதாகவும், இது தொடர்பாக சம்பந்தப்பட்ட அதிகாரிகளின் கவனத்துக்கு கொண்டு வந்த போதும் அவர்கள் நடவடிக்கை எடுக்கவில்லை என பொதுமக்கள் கடும் விசனம் தெரிவிக்கின்றனர்.

எனவே, இது தொடர்பாக வனவிலங்கு பரிபாலன சபை மற்றும் சம்பந்தப்பட்ட அதிகாரிகள் கவனம் செலுத்தி உடனடியாக குரங்கில் இருந்து மக்களை காப்பாற்ற நடவடிக்கை எடுக்குமாறு சம்பந்தப்பட்ட அதிகாரிகளிடம் மக்கள் கோரிக்கை விடுத்துள்ளனர்.

கனடாவில் வசிக்கும் இளைஞருக்கும், இலங்கையில் குறித்த பிரதேசமொன்றை சேர்ந்த யுவதிக்கும் இரு வீட்டாரின் முழுச் சம்மதத்துடன் திருமணம் நிச்சயிக்கப்பட்டிருந்தது.

காதல் விவகாரம்

இதற்காகப் பல கனவுகளுடன் கனடாவிலிருந்து கொழும்புக்கு வருகை தந்த மாப்பிள்ளை, திருமண நாளன்று உரிய நேரத்திற்கு மண்டபத்திற்குச் சென்றிருந்தார்.

ஆனாலும் மணப் பெண் வரவில்லை. நீண்ட நேரமாக மணமகன் மேடையில் காத்திருந்தார். மறுபுறம் பெண் வீட்டார் மிகுந்த பதற்றத்துடனும் பரபரப்புடனும் அங்குமிங்கும் ஓடிக்கொண்டிருந்தனர்.

சந்தேகமடைந்த மாப்பிள்ளை வீட்டார் தொலைபேசியில் விசாரித்த போதெல்லாம், "இதோ மணமகள் வந்துகொண்டிருக்கிறார்" என்றே பெண் வீட்டார் சமாளித்து வந்துள்ளனர்.

ஆனால், நீண்ட நேரமாகியும் மணமகள் வராததால் உண்மை வெளிச்சத்திற்கு வந்தது. திருமணத்திற்கு முதல் நாள் இரவே, மணமகள் தனது காதலனுடன் வீட்டை விட்டு வெளியேறிவிட்டார் என்ற அதிர்ச்சித் தகவல் மாப்பிள்ளை வீட்டாருக்குத் தெரியவந்தது.

இரவிரவாகப் பெண் வீட்டார் பல இடங்களிலும் தேடியும் மணமகளைக் கண்டுபிடிக்க முடியவில்லை. எப்படியும் மகளைக் கண்டுபிடித்து மண்டபத்திற்கு அழைத்து வந்துவிடலாம் என்ற நம்பிக்கையில், இந்த விடயத்தை அவர்கள் மாப்பிள்ளை வீட்டாருக்குத் தெரிவிக்காமல் மறைத்துள்ளனர்.

முன்னதாகவே தமது மகளுக்குக் காதல் விவகாரம் இருப்பதை அறிந்த பெற்றோர், அதனை மாப்பிள்ளை வீட்டாரிடம் மறைத்து, அவசர அவசரமாகத் திருமணம் முடித்து கனடாவிற்கு அனுப்பிவிடத் திட்டமிட்டிருந்ததாகவும் தெரியவந்துள்ளது.

இறுதியில், திருமணத்திற்கு வருகை தந்திருந்த உறவினர்களும் நண்பர்களும் நடந்த விபரம் அறிந்து தமக்குள் கிசுகிசுத்தவாறே மண்டபத்திலிருந்து ஏமாற்றத்துடன் கலைந்து சென்றனர். 

வங்காள விரிகுடாவில் உருவாகியுள்ள குறைந்த காற்றழுத்தப் பகுதி, காற்றழுத்தத் தாழ்வு மண்டலமாக வலுப்பெற்றுள்ளதுடன், எதிர்வரும் 17ஆம் திகதியளவில் கடும் புயலாக மாறக்கூடும் என எதிர்வுகூறப்பட்டுள்ளது.

மறு அறிவித்தல்

இதனால், காங்கேசன்துறை முதல் திருகோணமலை வரையிலும், பொத்துவில் முதல் அம்பாந்தோட்டை வரையிலும் உள்ள கடற்பகுதிகளில் மீன்பிடி மற்றும் கப்பல் போக்குவரத்து நடவடிக்கைகளை மறு அறிவித்தல் வரை தவிர்க்குமாறு அறிவுறுத்தப்பட்டுள்ளது.

குறித்த கடற்பகுதிகளில் ஏற்கனவே மீன்பிடி மற்றும் கப்பல் போக்குவரத்தில் ஈடுபட்டுள்ளவர்கள் பாதுகாப்பான இடங்களுக்குச் செல்லுமாறும் கேட்டுக்கொள்ளப்பட்டுள்ளனர்.

மேலும், வானிலை ஆய்வுத் திணைக்களம் வெளியிடும் எதிர்கால அறிவிப்புகளைத் தொடர்ந்து அவதானிக்குமாறு மீனவர்கள் மற்றும் கடல்சார் சமூகத்தினருக்கு அறிவுறுத்தப்பட்டுள்ளது.  

நிகவெரட்டிய பிரிவுக்குட்பட்ட பொலிஸ் அதிகாரி ஒருவர், சந்தேகத்திற்கிடமான மோட்டார் சைக்கிள் ஒன்றை நிறுத்தி மேற்கொண்ட சோதனையின் போது, அதில் பயணம் செய்த இருவரில் ஒருவர் வசம் இருந்த கைத்துப்பாக்கி மற்றும் அதற்கு பயன்படுத்தப்படும் 4 ரவைகள் கண்டுபிடிக்கப்பட்டன.

மேலதிக விசாரணை

இந்நிலையில், மோட்டார் சைக்கிளைச் செலுத்தியவர் அதனை அங்கேயே விட்டுவிட்டுத் தப்பியோடியுள்ளதுடன், பின்னால் அமர்ந்திருந்தவரும் சோதனை செய்த பொலிஸ் அதிகாரியின் மோட்டார் சைக்கிளை எடுத்துக்கொண்டு தப்பியோட முயன்றுள்ளார்.

எவ்வாறாயினும், அந்த முயற்சி தோல்வியடைந்ததையடுத்து, சந்தேகநபர் அதனை கைவிட்டு அவ்விடத்திலிருந்து தப்பியோடியுள்ளதாகக் பொலிஸார் தெரிவிக்கின்றனர்.

இச்சம்பவம் குறித்து சம்பந்தப்பட்ட பொலிஸ் அதிகாரி தம்புத்தேகம பொலிஸ் நிலையத்திற்கு அறிவித்ததை அடுத்து, அங்குள்ள அதிகாரிகளின் குழுவொன்று சம்பவ இடத்திற்கு வந்து விசாரணைகளைத் தொடங்கியுள்ளது.

இதன்போது, அருகிலுள்ள வீதியொன்றில் சந்தேகநபர்களால் கைவிடப்பட்டிருந்த வெளிநாட்டில் தயாரிக்கப்பட்ட கைத்துப்பாக்கி ஒன்றும், அதற்குப் பயன்படுத்தப்படும் 5 ரவைகளும், சந்தேகநபர்கள் வந்த மோட்டார் சைக்கிளும் பொலிஸாரால் மீட்கப்பட்டுள்ளன.

சந்தேகநபர்களைக் கைது செய்வதற்காகத் தம்புத்தேகம பொலிஸார் மேலதிக விசாரணைகளை மேற்கொண்டு வருகின்றனர்.     

அதன்படி, நாளைய (16) காலை 10 மணிக்கு குறித்த நிறுவனத்தின் அதிகாரிகள் வருகை தந்து இது தொடர்பாகக் தமது கருத்துக்களை சமர்ப்பிக்குமாறு அறிவிக்கப்பட்டுள்ளதாக நுகர்வோர் விவகார அதிகாரசபை தெரிவித்துள்ளது.

எரிவாயு விலை

கடந்த 13 ஆம் திகதி நள்ளிரவு முதல் நடைமுறைக்கு வரும் வகையில் லாஃப்ஸ் எரிவாயு விலையை அதிகரிக்க குறித்த நிறுவனம் நடவடிக்கை எடுத்திருந்தது.

அதற்கமைய, இதுவரை 4,965 ரூபாவாக இருந்த 12.5 கிலோகிராம் வீட்டு உபயோக எரிவாயு சிலிண்டரின் விலை 1,775 ரூபாவினால் உயர்த்தப்பட்டுள்ளதுடன், அதன்படி அந்த எரிவாயு சிலிண்டரின் தற்போதைய விலை 6,740 ரூபாவாக உயர்ந்துள்ளது.

அதேபோல், 1,988 ரூபாவாக இருந்த 5 கிலோகிராம் வீட்டு உபயோக எரிவாயு சிலிண்டரின் விலை 732 ரூபாவினால் அதிகரிக்கப்பட்டுள்ளதுடன், அதன் புதிய விலையாக 2,720 ரூபாவாக பதிவாகியுள்ளது.

சர்வதேச சந்தையில் நிலவும் விலை நிலவரங்கள், கப்பற் கட்டணம் மற்றும் காப்பீட்டுக் கட்டணங்கள் என்பவற்றுடன் இந்நாட்டிற்கு எரிவாயு தொகையைக் கொள்வனவு செய்வதற்கான செலவு அதிகரித்தமையே இந்த விலை திருத்தத்திற்குக் காரணம் என நிறுவனம் தெரிவித்துள்ளது.

சுகாதார அமைச்சின் 04 சேவைப் பிரிவுகளின் கீழ் 223 பேருக்கு நியமனங்கள் வழங்கும் நிகழ்வில் கலந்துகொண்டு நேற்று (14) உரையாற்றும் போதே அமைச்சர் இதனைக் குறிப்பிட்டார்.

கொடுப்பனவுகள்

இதன்போது கருத்துத் தெரிவித்த அமைச்சர், அரச ஊழியர்களின் சம்பளம் மற்றும் கொடுப்பனவுகள் உள்ளிட்ட இந்த அனைத்துச் செலவுகளும் இந்நாட்டுப் பொதுமக்கள் செலுத்தும் வரி வருமானத்திலிருந்தே ஈடு செய்யப்படுகின்றன என்றார்.

எனவே, பொதுமக்களின் பணம் குறித்துச் சரியான புரிதலுடனும் பொறுப்புடனும் தமது கடமைகளை நிறைவேற்றுவது ஒவ்வொரு அரச ஊழியரதும் பொறுப்பாகும் என்பதையும் அமைச்சர் இங்கு சுட்டிக்காட்டினார்.

இந்த மாதம் முடிவடைவதற்கு முன்னர் ஆரம்ப நிலை சுகாதார அதிகாரிகள் 1,600 பேரையும் சுகாதார கட்டமைப்பிற்குள் இணைத்துக்கொள்ளவுள்ளதாக அமைச்சர் தெரிவித்தார்.

அத்துடன், புதிய நியமனதாரர்களுக்கும் அரசாங்கத்தினால் நடைமுறைப்படுத்தப்பட்டுள்ள சம்பளத் திருத்தங்களின் பலன்கள் கிடைக்கப்பெறும் எனக் குறிப்பிட்ட அமைச்சர், ஜனவரி மாதத்தில் அடிப்படைச் சம்பள அதிகரிப்பும், ஜூலை மாதத்திலிருந்து கொடுப்பனவு அதிகரிப்பும் வழங்கப்படவுள்ளதாகவும் மேலும் தெரிவித்தார்.

 இதேவேளை, வீதியால் சென்ற ஒருவரின் கழுத்தில் கத்தியை வைத்து அச்சுறுத்தி, அவரிடமிருந்து 11,500 ரூபாய் பணத்தைக் கொள்ளையிட்ட சம்பவம் தொடர்பிலும் குறித்த சந்தேக நபர் பொலிஸாரால் தேடப்பட்டு வந்துள்ளார்.

 சந்தேக நபர் கைது

பொலிஸ் விசேட புலனாய்வுப் பிரிவுக்குக் கிடைத்த தகவலுக்கு அமைய, உப்புவெளி பொலிஸாரால் மேற்கொள்ளப்பட்ட நடவடிக்கையின்போதே குறித்த சந்தேக நபர் கைது செய்யப்பட்டுள்ளார்.

இதன்போது, அவரிடமிருந்து 2,130 மில்லிகிராம் ஐஸ் போதைப்பொருள் கைப்பற்றப்பட்டுள்ளதாக பொலிஸார் தெரிவித்தனர்.

இதேவேளை, வீதியால் சென்ற ஒருவரின் கழுத்தில் கத்தியை வைத்து அச்சுறுத்தி, அவரிடமிருந்து 11,500 ரூபாய் பணத்தைக் கொள்ளையிட்ட சம்பவம் தொடர்பிலும் குறித்த சந்தேக நபர் பொலிஸாரால் தேடப்பட்டு வந்துள்ளார்.

குறித்த குற்றச்சம்பவம் தொடர்பாக நீதிமன்றத்தினால் அவருக்கு எதிராக இரண்டு திறந்த பிடியாணைகளும், இரண்டு திகதி குறிப்பிடப்பட்ட பிடியாணைகளும்  பிறப்பிக்கப்பட்டிருந்ததாகத் தெரிவிக்கப்படுகிறது.

கைது செய்யப்பட்ட சந்தேக நபரை இன்று (14) நீதிமன்றத்தில் ஆஜர்படுத்த நடவடிக்கை எடுத்துள்ளதாக உப்புவெளி பொலிஸார் தெரிவித்தனர்.  

குறித்த சம்பவம் தொடர்பில் அமைச்சர் விடுத்துள்ள விசேட அறிக்கையிலேயே இவ்வாறு குறிப்பிடப்பட்டுள்ளது.

அறிவுறுத்தல்கள் 

அவ்வறிக்கையில் அவர் மேலும் தெரிவித்துள்ளதாவது, "இச்சம்பவத்திற்கு முகங்கொடுத்த அந்தச் சிறுமியினதும், பிறந்த சிசுவினதும் உயிர்கள் தற்போது பாதுகாப்பாக இருப்பது ஆறுதலளிக்கிறது.

அவ்விரு பிள்ளைகளினதும் உடல் மற்றும் உள ஆரோக்கியத்தையும், எதிர்கால நல்வாழ்வையும் உறுதிப்படுத்துவதற்காக அரசாங்கத்தின் தரப்பிலிருந்து மேற்கொள்ளப்பட வேண்டிய அனைத்துத் தலையீடுகளையும் துரிதமாகவும் தொடர்ச்சியாகவும் முன்னெடுக்குமாறு சம்பந்தப்பட்ட பிரிவினருக்கு ஏற்கனவே அறிவுறுத்தல்கள் வழங்கப்பட்டுள்ளன.

இச்சம்பவத்தை நாம் ஒரு தனிப்பட்ட சம்பவமாகக் கருதவில்லை. தற்போது நிலவும் பொருளாதார, சமூக மற்றும் அரசியல் உள்ளிட்ட பல்வேறு சிக்கல்கள் காரணமாக எமது பிள்ளைகள் பல்வேறு மட்டங்களிலும், பல்வேறு வடிவங்களிலும் பாதுகாப்பற்ற நிலைக்குத் தள்ளப்படுகின்றனர் என்பது தெளிவாகிறது.

குறிப்பாக, பெற்றோருக்கும் பிள்ளைகளுக்கும் இடையில் இருக்க வேண்டிய பரஸ்பர பிணைப்பும் தொடர்பாடலும் படிப்படியாகக் குறைவடைந்து செல்வதே இவ்வாறான சம்பவங்களுக்குப் பிரதான காரணமாக அமைகின்றது.

இதன் காரணமாக, பிள்ளைகளுக்கு மிகவும் பாதுகாப்பானதாக இருக்க வேண்டிய அவர்களது நெருங்கிய சூழலிலேயே அவர்கள் பாதுகாப்பற்ற நிலைக்கு உள்ளாகும் போக்கு உருவாகியுள்ளது.

எத்தகைய சூழ்நிலையிலும் 'தமது பெற்றோரிடம் தாம் பாதுகாப்பாக இருக்கிறோம்' என்ற அசைக்க முடியாத நம்பிக்கையைப் பிள்ளைகள் மத்தியில் கட்டியெழுப்பப் பெற்றோராகிய நாம் அனைவரும் முயற்சிக்க வேண்டும் என்பதே எனது உணர்வாகும்.

குடும்பத்திற்குள் அவ்வாறான பாதுகாப்பான சூழலையும் வெளிப்படையான உரையாடலையும் ஏற்படுத்துவதன் மூலம், இவ்வாறான ஆபத்தான மற்றும் அதிர்ச்சியளிக்கும் சம்பவங்கள் நிகழ்வதைப் பெருமளவில் குறைத்துக்கொள்ள முடியும் என நான் நம்புகிறேன்.

இதுபோன்ற சமூகப் பிரச்சினைகள் மற்றும் பாதுகாப்பற்ற சூழ்நிலைகள் குறித்து நீண்டகால அடிப்படையில் கவனம் செலுத்தி, பாதுகாப்பற்ற தன்மைக்குள்ளாகும் குழந்தைகளுக்காக முறையான தீர்வாக 2027 ஆம் ஆண்டு முதல் புதிய "மாற்றுப் பாதுகாப்புக்கொள்கையை" செயற்படுத்த மகளிர் மற்றும் சிறுவர் விவகார அமைச்சு திட்டமிட்டுள்ளது.

அதற்கான அவசியமான வரவு-செலவுத் திட்ட ஒதுக்கீடுகளைப் பெற்றுக்கொள்வது உள்ளிட்ட அனைத்து நடவடிக்கைகளும் தற்போது முன்னெடுக்கப்பட்டு வருவதாகவும் அமைச்சர் மேலும் தெரிவித்தார்.   

பிள்ளைகளின் பாதுகாப்பையும் உரிமைகளையும் உறுதிப்படுத்துவது ஒட்டுமொத்த சமூகத்தினதும் பொறுப்பாகும் என்பதால், நாட்டின் பிள்ளைகள் குறித்து மிகவும் உணர்வுபூர்வமாகவும் அவதானத்துடனும் செயற்படுமாறு அனைத்துப் பிரஜைகளையும் கேட்டுக்கொள்கிறேன்" என அவ்வறிக்கையில் மேலும் தெரிவிக்கப்பட்டுள்ளது.

கொழும்பில் நேற்று முன்தினம் (13) நடைபெற்ற ஊடகவியலாளர் சந்திப்பில் கலந்துகொண்டு கருத்துத் தெரிவிக்கும்போதே அவர் மேற்கண்டவாறு தெரிவித்தார்.

 விலை அதிகரிப்பு

அவர் அங்கு மேலும் தெரிவிக்கையில், எரிவாயு விலை அதிகரிப்புப் பற்றிப் பேசுவதற்கு முன்னர், கடந்த சில நாட்களாக, கிட்டத்தட்ட ஒரு மாத காலப்பகுதியில் நாட்டுக்கு எரிவாயுவைத் தொடர்ந்து விநியோகிக்க முடியாமல் போனமைக்காக நுகர்வோரிடம் முதலில் மன்னிப்புக் கோருகின்றேன்.

இதனால் ஏற்பட்ட அசௌகரியத்துக்கு நிறுவனத்தின் சார்பில் வருந்துகின்றேன்.

லாஃப் நிறுவனம் 2000ஆம் ஆண்டு முதல் 2025ஆம் ஆண்டு வரை 25 வருடங்களாக நுகர்வோரின் நம்பிக்கையைப் பெற்றுச் செயற்பட்டு வருகின்றது. 2019ஆம் ஆண்டு அம்பாந்தோட்டையில் தெற்காசியாவின் மிகப்பெரிய எரிவாயுச் சேமிப்பு முனையங்களில் ஒன்றை அமைத்தோம்.

எனினும், முதலீட்டு ஊக்குவிப்பு சபையின் பிணைக்கப்பட்ட சேமிப்பு முனைய ஒழுங்குமுறையின் கீழ் வழங்கப்பட்ட வரிச்சலுகைகளுக்கு அமைவாக, ஏற்றுமதி செய்யும் ஒவ்வொரு 100 மெற்றிக் தொன் எரிவாயுவுக்கும் 40 மெற்றிக் தொன் மாத்திரமே உள்நாட்டுக்குக் கொண்டுவர முடியும் என்ற நிபந்தனை இருந்தது.

கொவிட் பெருந்தொற்று, மக்கள் போராட்டம், டொலர் நெருக்கடி ஆகியவற்றால் எரிவாயுவைப் பெற்றுக்கொள்வதில் சிக்கல் ஏற்பட்டபோது, ஏற்றுமதிக்கு முன்னுரிமை வழங்காமல் உள்நாட்டு நுகர்வோரின் தேவைக்காகக் கிடைத்த எரிவாயுவை வழங்கினோம்.

இதனைத் தொடர்ந்து மேற்கொள்ளப்பட்ட கணக்காய்வின் அடிப்படையில் ஹம்பாந்தோட்டை முனையத்தின் செயற்பாடுகள் தற்காலிகமாக இடைநிறுத்தப்பட்டன.

இது சட்டரீதியான நடவடிக்கையாகும். அம்பாந்தோட்டை முனையத்தில் எரிவாயுவைக் கலக்கும் வசதி இருப்பதால், இலங்கைக்குப் பொருத்தமான புரொப்பேன் 30 சதவீதம், பியூட்டேன் 70 சதவீதம் என்ற கலவையைத் தயாரிக்க முடியும்.

ஆனால், அந்த முனையத்தின் செயற்பாடுகள் இடைநிறுத்தப்பட்டதால் கொழும்புக்குக் கப்பல்களில் எரிவாயுவைக் கொண்டுவர வேண்டிய நிலை ஏற்பட்டது. இலங்கைக்குத் தேவையான குறிப்பிட்ட கலவையை உலகில் ஒரேயொரு விநியோகஸ்தரே தயாரிக்கின்றனர்.

போட்டி நிறுவனத்துக்கும் எரிவாயு வழங்குகின்றனர். கடந்த வருடத்தின் இறுதியில் ஏற்பட்ட தித்வா புயலின் பின்னர் அம்பாந்தோட்டை முனையத்தை மீண்டும் செயற்படுத்த அரசாங்கம் வழங்கிய அனுமதி ஓகஸ்ட் 30ஆம் திகதியுடன் நிறைவடைந்தது.

இதனால் செப்டெம்பர் மாதத்தில் விநியோகத் தடங்கல் ஏற்பட்டது. தற்போது 3,100 மெற்றிக் தொன் எரிவாயுவை ஏற்றிய கப்பலின் விநியோகம் ஆரம்பிக்கப்பட்டுள்ளதுடன், மேலும் 3,400 மெற்றிக் தொன் எரிவாயுவுடன் மற்றுமொரு கப்பல் அம்பாந்தோட்டையை வந்தடையவுள்ளது.

டிசெம்பர் மாதத்துக்கான கப்பல் ஏற்பாடுகளும் செய்யப்பட்டுள்ளன. எரிவாயுச் சிலிண்டர்களை போட்டி நிறுவனங்களுக்கிடையில் மாற்றிப் பயன்படுத்த முடியாது.

ஒவ்வொரு சிலிண்டரும் பாதுகாப்புப் பரிசோதனைகளுக்கு உட்படுத்தப்பட்ட பின்னரே விநியோகிக்கப்படுகின்றது. அதன் பாதுகாப்புக்கும் தரத்துக்கும் அந்தந்த நிறுவனமே பொறுப்பேற்க வேண்டும் என்றார்.

இந்நிலையில், நாளை மதியம் 12 மணியளவில் வல்வெட்டித்துறை சந்தியில் அன்னாரின் பூதவுடல் பொதுமக்களின் அஞ்சலிக்காக வைக்கப்படும்.

பின்னர், வல்வெட்டித்துறை ஊறணி இந்து மயானத்திற்கு அன்னாரது பூதவுடல் எடுத்துச் செல்லப்பட்டு தகனம் செய்யப்படும் என அறிவிக்கப்பட்டுள்ளது.