லங்காசிறி FM
எடை இழப்புக்கு தடையாக உள்ள நான்கு பழக்கவழக்கங்கள்; அவசியம் அறிந்து கொள்ளுங்கள்
Sulokshi
நவநாகரிக இன்றைய வாழ்க்கை முறையில், அதிக உடல் எடை என்பது பெரும்பாலானோரின் பிரச்சனையாக உள்ளது. பலரும் உடல் எடையை குறைக்க பெரும் முயற்சிகள் எடுத்த போதிலும், சிலருக்கு மட்டும் அதில் வெற்றி கிடைப்பதில்லை.
அவர்களின் முயற்சிகளுக்கு பலன் கிடைக்காமல் போவதற்கு, அவர்கள் செய்யும் பொதுவான சில பழக்கவழக்கங்களே காரணமாகிறதாக சொல்லப்படுகின்றது. உடல் எடையை குறைக்கும் முயற்சியை மேற்கொள்ளும் போது, சில விஷயங்களில் நாம் கவனம் செலுத்தவேண்டியது முக்கியம் ஆகும்.
உடல் எடையை குறைக்க விரும்பினால், சில விஷயங்களை, ஒருபோதும் அலட்சியம் செய்யக்கூடாது. அதில் கவனம் செலுத்தவில்லை என்றால், உடல் எடையை குறைக்கும் உங்கள் முயற்சி பாழாகிவிடும். உடல் எடையை குறைக்கும் போது கவனத்தில் கொள்ள வேண்டிய விஷயங்கள் எவை என பார்க்கலாம்,
சரியான அளவு புரதம்:
உடல் எடையை குறைக்க கடினமாக உழைக்கத் தொடங்கும் நாளிலிருந்தே, புரதச்சத்து நிறைந்த உணவை உணவில் சேர்க்கத் தொடங்க வேண்டும் என்று சுகாதார நிபுணர்கள் பரிந்துரைக்கின்றனர், ஏனெனில் புரதம் பசியை குறைக்க உதவுகிறது.
அதோடு எடை இழப்பின் போது, தசைகளையும் தளராமல் பாதுகாக்கிறது. உடல் எடையை குறைக்க வேண்டும் என்றால் கண்டிப்பாக புரதம் நிறைந்த உணவுகளை உண்ணுங்கள்.
உணவில் கலோரிகளில் மீது கவனம்:
பெரும்பாலானோரின் பிரச்சனை என்னவென்றால், உடல் எடையைக் குறைக்க வியர்வை சிந்தி, கடினமாக உடற்பயிற்சிகளை மேற்கொண்டாலும், மறுபுறம், அவர்கள் கலோரிகள் பற்றி சிந்திக்காமல், அனைத்து வகையான உணவுககளையும் சாப்பிடுகிறார்கள்.
ஆனால் உடல் எடை குறைக்க விரும்புபவர்கள், தாங்கள் உண்ணும் உணவில் எத்தனை கலோரிகள் உள்ளன. அந்த உணவு ஆரோக்கியத்திற்கு எந்த அளவிற்கு நன்மை பயக்கும் என்பதை அறிந்து கொண்டு சாப்பிட வேண்டும்.
இதன் மூலம் அதிக கலோரிகளை சாப்பிடுவதைத் தவிர்க்கலாம். உங்கள் எடையைக் குறைப்பு முயற்சிகள் வெற்றி பெற இது உதவும்.
தினசரி பழக்க வழக்கங்கள்:
உடல் எடையை குறைக்க வேண்டுமானால், முதலில் இலக்கை நிர்ணயம் செய்ய வேண்டும் என்கின்றனர் சுகாதார நிபுணர்கள். இதற்கு உங்களின் அன்றாட பழக்க வழக்கங்கள் முக்கிய பங்கு வகிக்கிறது.
இரவில் வெகுநேரம் விழித்திருந்து, பகலில் வெகுநேரம் வரை தூங்கினால், அது உங்கள் எடை குறைப்பு முயற்சிகள் வீணாக வழிவகுக்கும். எனவே தூங்கி எழும் நேரத்தை முடிவு செய்யுங்கள். தினசரி வேலைகளை திட்டமிடுவதன் மூலம் தினசரி அட்டவணையை தயார் செய்யலாம்.
உடற்பயிற்சி செய்யும் போது:
பெரும்பாலான மக்கள், இன்றே பலன் கிடைக்க வேண்டும் என்ற ஆசையில், சீரான உடற்பயிற்சி செய்வதற்குப் பதிலாக, தொடக்கத்திலேயே அதிகமாக உடற்பயிற்சி செய்யத் தொடங்குகிறார்கள்.
அப்படி செய்யாது முறையாக உங்கள் பயிற்சியாளரிடமிருந்து ஆலோசனையைப் பெற்று, பயிற்சி செய்ய வேண்டிய காலநேரத்தையும் அளவையும் நிர்ணயிக்கவும்.
புதிதாக ஒருவர் உடற்பயிற்சி செய்யத் தொடங்குகிறார் என்றால், முதலில் எளிதான பயிற்சிகளை செய்து, பின்ன மெதுமெதுவாக நேரத்தையும், பயிற்சியையும் அதிகரிக்க வேண்டும்.
அதேவேளை உடல் எடையைக் குறைக்கும் முயற்சியில், தேவைக்கு அதிகமாக செய்யக் கூடாது என்பதில், சிறப்பு கவனம் செலுத்த வேண்டும் எனவும் கூறப்படுகின்றது.
தர்மகேணி, கிளிநொச்சி முரசுமோட்டை 3ம் யூனிற், Jaffna, கம்பஹா வத்தளை, நல்லூர்
21 Nov, 2022
சிங்கப்பூர், Singapore, அளவெட்டி, மல்லாகம், Newbury Park, United Kingdom, Wickford, United Kingdom
28 Nov, 2024
புங்குடுதீவு 12ம் வட்டாரம், புங்குடுதீவு, பேர்ண், Switzerland
12 Nov, 2025
மானிப்பாய், வண்ணார்பண்ணை, யாழ்ப்பாணம், London, United Kingdom
14 Nov, 2025
